პრემიერი - სტუდენტებმა და პროფესორ-მასწავლებლებმა გარემოებებიდან გამომდინარე უნდა გადაწყვიტონ, როგორ გააგრძელებენ სწავლას, დისტანციურად თუ აუდიტორიებში

სტუდენტებმა და მათმა პროფესორ-მასწავლებლებმა გარემოებებიდან გამომდინარე უნდა გადაწყვიტონ, როგორ გააგრძელებენ სწავლას, დისტანციურად, რისი შესაძლებლობაც მათ აქვთ, თუ აუდიტორიებში, მათ ამის შესაძლებლობაც აქვთ, - ამის შესახებ პრემიერ-მინისტრმა გიორგი გახარიამ განაცხადა.

მისივე თქმით, სტუდენტების მოთხოვნა სხვადასხვანაირია.

„ზოგი ხედავს რისკს სწავლის პროცესის გაგრძელებაში, ზოგი პირიქით - ითხოვს სწავლის გაგრძელებას და დაწყებას. ჩვენ, ჩვენს ახალგაზრდებს დიდ პატივს ვცემთ და მათ ჯანმრთელობას ვუფრთხილდებით და ამიტომ, მათ აქვთ არჩევანის გაკეთების შესაძლებლობა. ჩვენ ვთქვით, რომ უმაღლეს სასწავლებლებში ლაბორატორიული და პრაქტიკული მეცადინებები უნდა ჩატარდეს აუდიტორიებში კონკრეტული წესების უმკაცრესი დაცვით, სხვა ყველაფერი შესაძლებელია უნივერსიტეტმა გადაწყვიტოს იმ გარემოებებიდან გამომდინარე, რისი გათვალისწინებითაც მას შეუძლია გააგრძელოს ან დისტანციური სწავლება ან აუდიტორიებში სწავლება. ჩვენ ყველას უნდა გვესმოდეს, რომ ყველას ჩვენი პასუხისმგებლობა გვაქვს. როდესაც ადაპტაციაზე ვსაუბრობთ, ვამბობთ, რომ ვაქცინა არ არის და ვერავინ გვეუბნება როდის იქნება ზუსტად, ვამბობთ რომ ეს არის გრძელვადიანი პროცესი, ვამბობთ, რომ ბალანსის დაჭერა წესების დაცვასა და წერტილოვან შეზღუდვებს შორის არის ერთადერთი სწორი სტრატეგია ვირუსთან გრძელვადიანი გამკლავების.

რა თქმა უნდა, სტუდენტებმა და მათმა პროფესორ-მასწავლებლებმა გარემოებებიდან გამომდინარე უნდა გადაწყვიტონ როგორ გააგრძელებენ სწავლას, დისტანციურად - მათ აქვთ ამის შესაძლებლობა, თუ აუდიტორიებში- მათ ამის შესაძლებლობაც აქვთ. ეს არის ის პასუხისმგებლობა, რომელიც თითოეულ საქართველოს მოქალაქეზეა, როდესაც ვირუსთან თანაცხოვრების დაბალანსებულ მოთხოვნაზე ვსაუბრობთ“, - განაცხადა გახარიამ.

რაც შეეხება „ევროპული საქართველოს“ ინიციატივას დირექტორების გათავისუფლების მორატორიუმთან დაკავშირებით, გახარიამ განაცხადა, რომ აღნიშნულ მოთოვნაში ის ვერანაირ აზრს ვერ ხედავს.

„ჩვენ ყველაფერს ვაკეთებთ იმისთვის, რომ ქვეყანაში დადგენილი ნორმალური ცხოვრების წესი არ შეიცვალოს და ეს ეხება ყველას, დირექტორსაც, მასწავლებელსაც, მინისტრსაც და მინისტრის მოადგილესაც. ამიტომ, ინფიცირების რისკებიდან გამომდინარე, რაღაც პროცესების შეჩერებაში მაშინ, როდესაც სკოლაში ჩვეულ რეჟიმში სწავლა გრძელდება, ვერანაირ აზრს მე ვერ ვხედავ, თუმცა ეს დარგის საქმეა და დარგის სპეციალისტებმა უნდა იმსჯელონ“, - განაცხადა გახარიამ.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ