პაატა იმნაძე - თუ ტემპერატურა აგიწევთ, მაგრამ კორონიანთან კონტაქტი არ გქონიათ, არ დარეკოთ იმ წუთში 112-ში, ამ დროს ვიღაცას მართლაც სჭირდება სასწრაფო და ზარი არის დაკავებული

დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე მოსახლეობას მიმართავს, 112-ში ტემპერატურის დაფიქსირებისთანავე ნუ დარეკავს, თუკი კორონავირუსით ინფიცირებულთან კონტაქტი არ ჰქონია.

როგორც იმნაძემ ტელეკომპანია „პალიტრანიუსის“ გადაცემა „360 გრადუსში“ განაცხადა, ამ დროს ვიღაცას მართლაც სჭირდება სასწრაფო და ზარი იყოს დაკავებული.

„ჩვენი მოსახლეობის შეგნება არის ყველაზე მნიშვნელოვანი არა მარტო დისტანციის დაცვასა და ნიღბის ტარებაში, არამედ თუ ტემპერატურა აგიწევს, არ დარეკო იმ წუთში 112-ში, თუ არ თვლი, რომ ნამდვილად კორონიანთან გქონდა კონტაქტი და თვითიზოლაციაში გადახვიდე. შესაძლოა, ამ დროს ვიღაცას მართლაც სჭირდება სასწრაფო და ის თქვენი ზარით არის დაკავებული. ეს უნდა ითქვას, რეალობაა“, - განაცხადა იმნაძემ.

მისივე თქმით, „კორონა კიდევ დიდი ხანი იქნება“.

„წერტილოვანი შეზღუდვები ყოველთვის იქნება საჭირო, ქვეყნის მთლიანი გაჩერება კორონავირუსთვის მართვისთვის შეუძლებელია. კორონა კიდევ დიდი ხანი იქნება და ჩვენ ვერ გავჩერდებით - ქვეყანამ უნდა იცხოვროს, უნდა ისწავლოს, ოღონდ ყველამ მაქსიმალურად უნდა დავიცვათ თავი“, - განაცხადა იმნაძემ.

ამასთან, იმნაძის თქმით, კორონავირუსთან დაკავშირებით ბევრი წამალი გამოიცადა, მაგრამ არც ერთი არ აღმოჩნდა ისეთი ეფექტური, როგორიც არის C ჰეპატატის დროს გამოყენებული მკურნალობის მეთოდები.

„საბედნიეროდ, 85%-ს პრაქტიკულად მკურნალობა არ დასჭირდება, უბრალოდ ისინი მაქსიმალურად უნდა იყვნენ იზოლაციაში. ქვეყანაში სიტუაცია კიდევ უფრო რომ არ გართულდეს, მთავარი არის, რომ დაახლოებით 15%, ვინც მძიმე იქნება, დახმარება და საავადმყოფოს საწოლები დასჭირდება, დროულად უნდა მიიღონ დახმარება. ასევე 2%, ვინც კრიტიკულად მძიმე იქნება და რეანიმაცია დასჭირდება, ამ ადამიანებმა დროულად უნდა მიიღონ დახმარება“, - განაცხადა იმნაძემ.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 03.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა