„ევროპული საქართველოს“ წევრი ირაკლი ჩიქოვანის მიერ ადმინისტრაციული რესურსის გამოყენებაზე საუბრობს

„ევროპული საქართველოს“ წევრი, ბესიკ დონაძე, „ქართული ოცნების“ ზუგდიდის მაჟორიტარობის კანდიდატის, ირაკლი ჩიქოვანის მიერ ადმინისტრაციული რესურსის გამოყენებაზე საუბრობს და აცხადებს, რომ იმ სოფლებში, სადაც ჩიქოვანი ატარებს შეხვედრებს, რამდენიმე დღეში იწყება ინფრასტრუქტურული პროექტები მერიის მიერ.

როგორც დონაძე აღნიშნავს, მერიის მიერ დადებული კონტრაქტები პირდაპირ მიყვება ჩიქოვანის საარჩევნო შეხვედრების გრაფიკს. მისივე თქმით, ეს არის საარჩევნო კანონმდებლობის დარღვევა.

აღნიშნულთან დაკავშირებით, პარტიის წარმომადგენელმა, ნანა ნარსიამ ზუგდიდის საოლქო საარჩევნო კომისიაში საჩივარი შეიტანა.

„ჩვენი საჩივარი ეხება „ქართული ოცნების“ მაჟორიტარობის კანდიდატის, ირაკლი ჩიქოვანის მიერ ადმინისტრაციული რესურსის გამოყენებას. კერძოდ, მისი შტაბის უფროსი, გეგა შენგელია, რომელიც ამჟამად არის ქალაქ ზუგდიდის მერი, ინფრასტრუქტურულ პროექტებს აკეთებს და ამთხვევს იმ სოფლებში, სადაც შეხვედრები აქვს ირაკლი ჩიქოვანს. 14 სექტემბერს, ირაკლი ჩიქოვანი იმყოფებოდა სოფელ ნარაზენში, ხოლო 18 სექტემბერს, გეგა შენგელიამ გამარტივებული წესით, ანუ ერთ პირთან მოლაპარაკებით, გააფორმა ხელშეკრულება და ნარაზნეში დაიწყო სკვერის მშენებლობა, რომელიც გაკეთებაც ირაკლი ჩიქოვანი დაპირდა მოსახლეობას.

სადაც დადის ირაკლი ჩიქოვანი, რომელ სოფლებშიც ხვდება მოსახლეობას, მერიის მიერ დადებული კონტრაქტები პირდაპირ მიყვება მისი შეხვედრების გრაფიკს.

აღნიშნული არის საარჩევნო კანონმდებლობის დარღვევა, არის ინფრასტრუქტურული პროექტების გამოყენება „ქართული ოცნების“ მაჟორიტარობის კანდიდატის მიერ და არის ადმინისტრაციული რესურსის გამოყენება. ამაზე ჩვენ შევიტანეთ საჩივარი საოლქო საარჩევნო კომისიაში და აღნიშნულ დარღვევაზე ველოდებით რეაგირებას”, - განაცხადა დონაძემ.

აღნიშნულ ინფორმაცის „ევროპული საქართველოს“ პრესსამსახური ავრცელებს.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით