შშმ პირთა სოციალური საწარმო ვეტერანებს და მათი ოჯახის წევრებს დასაქმების პერსპექტივით გადაამზადებს

ვეტერანების საქმეთა სახელმწიფო სამსახურის დირექტორი, გენერალი კობა კობალაძე დღეს, შშმ პირთა დასაქმების კავშირის სოციალურ საწარმოს ესტუმრა.

როგორც „ინტერპრესნიუსს“ ვეტერანების საქმეთა სახელმწიფო სამსახურიდან აცნობეს, საწარმოში ფეხსაცმლის ახალი ქართული ბრენდის - Make Help Fashionable პრეზენტაცია გაიმართა, რომლის დროსაც საწარმოში დასაქმებულმა შშმ პირებმა თავიანთი ნამუშევრები წარმოადგინეს.

როგორც საწარმოს ხელმძღვანელმა ლადო ასლამაზაშვილმა აღნიშნა, დაინტერესების შემთხვევაში, მზად არის საწარმოში გადაამზადოს ვეტერანები, ან მათი ოჯახის წევრები, შემდგომი დასაქმების პერსპექტივით.

ვეტერანების საქმეთა სახელმწიფო სამსახურის დირექტორის, კობა კობალაძის განცხადებით, მსგავსი ტიპის საწარმოები შშმ პირების და შშმ ვეტერანების საზოგადოებაში ინტეგრაციის თვალსაზრისით უმნიშვნელოვანესია.

პრეზენტაციას ესწრებოდნენ, პოლონეთის ელჩი საქართველოში მარიუშ მაშკიევიჩი, ისნის რაიონის გამგებელი, კახა ლაბუჩიძე, საქართველოს თავდაცვის სამინისტროს სოციალურ საკითხთა და ფსიქოლოგიური მხარდაჭერის დეპარტამენტის უფროსი, ბუბა ლომუაშვილი და სხვა მოწვეული სტუმრები.

აღნიშნული პროექტი პოლონეთის საგარეო საქმეთა სამინისტროს, პოლონეთის განვითარების თანამშრომლობის მხარდაჭერით და უშუალო დახმარებით განხორციელდა და მიზნად ისახავს შშმ პირთა ეკონომიკურ გაძლიერებასა და მათ საზოგადოებაში ინტეგრაციის ხელშეწყობას.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“