პარლამენტის წევრი დიმიტრი მხეიძე კორონავირუსის დიაგნოზით საავადმყოფოში მკურნალობს.

როგორც „ინტერპრესნიუსს“ დეპუტატმა განუცხადა, ვირუსი მას 17 ოქტომბერს დაუდასტურდა, ამ დროისთვის კი თავს სტაბილურად გრძნობს.

„დამიდგინდა კორონავირუსი, პასუხი 17 ოქტომბერს მივიღე. მინდოდა, რომ თვითიზოლაციაში ვყოფილიყავი, რადგან არ მინდოდა კლინიკაში საწოლის დაკავება. ექიმი ვარ და ვიფიქრე, საკუთარ თავს თვითონ მივხედავ-მეთქი, მაგრამ გამოკვლევით დადგინდა, რომ ორმხრივი პნევმონია მაქვს. ამიტომ, საავადმყოფოში, გავდივარ მკურნალობას, კერძოდ „ელჯიპოში“. ნამდვილად არ ვიცი, ვისი „კლასტერი“ ვარ, ახლა ისეთი ვითარებაა, რთულია ეს დაადგინო. მთავარია, რომ მთავრობის მიერ გაცემული რეკომენდაცია ყველამ დავიცვათ ინფიცირების შეჩერებისთვის“, - განაცხადა დიმიტრი მხეიძემ.