ჯანდაცვის მინისტრი - სასწრაფოს ბრიგადებს კოვიდ19-ით ინფიცირებული პაციენტების გადაყვანაში ზოგჯერ, აქვთ 2-3 საათიანი დაყოვნება, რაც ნორმალურია, რადგან სწრაფი რეაგირება პირველ რიგში პრიორიტეტულ პაციენტებზე ხდება

სასწრაფო გამოძახების ბრიგადებს აქვთ 2 საათიდან 3 საათამდე დაყოვნება, რაც პანდემიის პირობებში სრულიად ნორმალურია, - ასე უპასუხა საქართველოს ჯანდაცვის მინისტრმა ეკატერინე ტიკარაძემ ჟურნალისტების შეკითხვას გამოძახებებზე სასწრაფო ბრიგადების დაგვიანების შესახებ.

მინისტრის განცხადებით, ეს პრეტენზია სასწრაფო დახმარების სამსახურის მიმართ არაკორექტულია.

„ჩვეულებრივი ვირუსის პერიოდშიც ჩვენ მსგავსი შემთხვევები გვქონია და ეს არ წარმოადგენს საგანგაშო კომპონენტს. ვირუსით დაავადებული ადამიანი არ არის კარდიოლოგიური, ან ნევროლოგიური სისტემით დაავადებული ადამიანი, რომელსაც ესაჭიროება 20 წუთში სასწრაფო ბრიგადის მისვლა. ამ შემთხვევაში, ექიმები საჭიროებენ თავიანთი აღჭურვილობის გამოცვლას, აქედან გამომდინარე, ეს პრეტენზია სასწრაფო დახმარების სამსახურის მიმართ არის არაკორექტული“, - აღნიშნა ეკატერინე ტიკარაძემ.

ჯანდაცვის მინისტრი ასევე გამოეხმაურა ინფორმაციას, რომლის მიხედვით, კოვიდპაციენტებისგან სასუნთქ აპარატს ხსნიან და სხვა პაციენტებს უმაგრებენ. ეკატერინე ტიკარაძის განცხადებით, საქართველოში სასუნთქ აპარატებზე დეფიციტი არ არსებობს.

„სასუნთქი აპარატი სამედიცინო დაწესებულებაში გადაადგილებით არ მიმაგრდება პაციენტზე. ისინი გულისხმობენ ჟანგბადის მაღალი ნაკადით მიწოდების აპარატებს, რომლის გადაადგილებაც თუ პაციენტს არ ესაჭიროება და ეს არ არის 24 საათიანი ოპერაცია, დაშვებულია ყველა პროტოკოლით და ყველა სტანდარტით. სასუნთქ აპარატებზე დეფიციტი საქართველოში არ არსებობს, კოვიდპაციენტების სასუნთქი აპარატებით მართვა არის უკიდურესი დაშვება, რომელსაც ჩვენი ექიმები იყენებენ, ვინაიდან მისი ეფექტი ყველაზე ნაკლებია ამ ინფექციის მართვაში“, - განაცხადა ეკატერინე ტიკარაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს