შალვა შავგულიძე - ჩვენ ვუსიგნალებთ ივანიშვილს, ვინაიდან ის აფერხებს და ხელს უშლის ქვეყნის განვითარებას

მთაწმინდასა და კრწანისის ოლქში „ევროპული საქართველოს“ მაჟორიტარობის კანდიდატის შალვა შავგულიძის განცხადებით, ავტომობილებით აქცია „დაუპიპინე ბიძინას“ ბიძინა ივანიშვილისთვის გზავნილია, რომ ის უნდა გაიწიოს და გზა დაუთმოს მრავალპარტიულ ევროპულ კოალიციას. მისივე თქმით, საქართველოს დიდ ქალაქებიდან ავტომობილები თბილისისკენ მოემართება.

„ჩვენ ვუსიგნალებთ ბიძინა ივანიშვილს, ვუპიპინებთ, როგორც თავად უყვარს თქმა, იმის ნიშნად, რომ ის უნდა გაიწიოს, ვინაიდან ის აფერხებს და ხელს უშლის ჩვენი ქვეყნის განვითარებას. მან გზა უნდა დაუთმოს მრავალპარტიულ ევროპულ კოალიციას, რომელმაც იმ კრიზისიდან უნდა გამოიყვანოს ქვეყანა, რომელშიც ივანიშვილმა შეიყვანა“, - განაცხადა შავგულიძემ.

„ევროპულმა საქართველომ" თბილისის საკრებულოს მიმდებარე ტერიტორიაზე ავტომარში „დაუპიპინე ბიძინას" გამართა. ავტომარში დღეს საქართველოს მასშტაბით სხვადასხვა ტერიტორიაზე იმართება. დედაქალაქში შემაჯამებელი აქცია 20:00 საათზე, ბიძინა ივანიშვილის ბიზნეს ცენტრთან ჩატარდება.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს