მამუკა ტუსკაძე - ძალიან დიდი რაოდენობა იქნება გადასატანი ყუთების, რადგან ბევრია კოვიდინფიცირებული, შესაბამისად, არჩევნებისთვის მეტი ადამიანური რესურსის გამოყოფა იქნება საჭირო

„კოვიდინფიცირებულების რაოდენობა ძალიან დიდია. შესაბამისად, გადასატანი ყუთების შესაბამისი რაოდენობა იქნება საჭირო იმისთვის, რომ თითოეულმა მოქალაქემ შეძლოს და დააფიქსიროს თავისი არჩევანი“, - ამის შესახებ პოლიტიკური მოძრაობა „სოციალური სამართლიანობისთვის“ ლიდერმა, მამუკა ტუსკაძემ განაცხადა.

მისი თქმით, ცესკოს ბოლო დადგენილებით, 2020 წლის არჩევნებზე ხმის მიცემის უფლებით ისარგებლებს ყველა კოვიდინფიცირებული.

„გადასატან ყუთებს მიიტანენ ყველა კოვიდცენტრში, საკარანტინე სივრცეებში, თვითიზოლაციისას, ბინებში. არ დარჩება არცერთი ადამიანი, ვისაც ხმის მიცემის საშუალება არ ექნება. მთავარია, კოვიდინფიცირებულებთან მუშაობის დროს დაიცვან ყველა რეკომენდაცია, რომელსაც გვაძლევს სამედიცინო პერსონალი, დაცული იყოს ურთიერთიობის სტანდარტი. მნიშვნელოვანია, ნეიტრალური დამკვირვებელი გაჰყვეს გადასატან ყუთს, რომ განხორციელდეს მონიტორინგი და რაიმე ტიპის მანიპულაციას არ ჰქონდეს ადგილი. რადგან ყუთების რაოდენობა ბევრია, ადამიანური რესურსიც მეტი იქნება საჭირო. ჩვენ გვინდა, რომ გადასატან ყუთებს გაჰყვეს ჩვენი წარმომადგენელიც. ასევე არასამთავრობოების ან/და სხვა პარტიების. მნიშვნელოვანია, მოხდეს ხმის მიცემის პროცედურის სრულად დაცვა და ადგილზე გაყალბების პრევენცია”, - აღნიშნა მამუკა ტუსკაძემ.

ინფორმაციას პოლიტიკური მოძრაობა „სოციალური სამართლიანობისთვის“ პრესსამსახური ავრცელებს.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“