გიგი უგულავა - გიორგი გაბედავა  პროვოკატორია და აქ ხელისუფლებამ ჩამოიყვანა  - ირაკლი კვარაცხელიას შეიძლება ხვალინდელი დღე არ გაუთენდეს და ესენი პირდაპირ ადებენ ხელს, რომ პროვოკატორია

„ევროპული საქართველოს“ ზუგდიდის მაჟორიტარობის კანდიდატი გიგი უგულავა „ქართული მარშის“ კანდიდატ გიორგი გაბედავასთან დაპირისპირების მიზეზებზე საუბრობს.

როგორც უგულავამ აღნიშნა, გაბედავა „საქართველოს ბანკის“ ფილიალის თავდასხმის შედეგად მძევლად აყვანილ ზოგიერთ პირთან დაკავშირებით პროვოკაციულ განცხადებებს აკეთებდა, კერძოდ, ის ირაკლი კვარაცხელიას, რომელიც მოქალაქეებთან ერთად თავდამსხმელმა ბანკში მძევლად აიყვანა, „ზონდერს“ უწოდებს.

„გიორგი გაბედავამ დაიწყო საუბარი თქვენი ზონდერიაო. არადა, ადამიანი ამ დროს მძევალია. გიორგი გაბედავა ნულია, „შნირია“, არაფერია ის. პრობლემა ხელისუფლებაშია. რა თქმა უნდა, გაბედავა მოიყვანეს აქ. ის პროვოკატორია. ირაკლი კვარაცხელიას შეიძლება ხვალინდელი დღე არ გაუთენდეს და ესენი უკვე პირდაპირ ადებენ ხელს, რომ კვარაცხელია პროვოკატორია. ყველა პოლიციელს ვეუბნები, ვინც თავისი საქმით არაა დაკავებული, სათითაოდ მოგეკითხებათ“, - განაცხადა უგულავამ.

შეგახსენებთ, რომ ცოტა ხნის წინ, ზუგდიდში "საქართველოს ბანკის" შენობის მიმდებარედ, სიტყვიერი და ფიზიკური დაპირისპირება მოხდა. კერძოდ, ერთმანეთს “ევროპული საქართველოსა” და “ქართული მარშის” წევრები დაუპირისპირდნენ.

ჩხუბში მონაწილეობდნენ “ევროპული საქართველოს” მაჟორიტარობის კანდიდატი გიგი უგულავა და “მარშის” ზუგდიდის მაჟორიტარობის კანდიდატი გიორგი გაბედავა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს