რომის პაპმა პირველად დაუჭირა მხარი ერთსქესიანთა სამოქალაქო კავშირებს. ამის შესახებ მან სრულმეტრაჟიანი დოკუმენტური ფილმისთვის მიცემულ ინტერვიუში განაცხადა, რომლის სახელწოდებაა „ფრანჩესკო“. მისი პრემიერა დღეს რომის კინოფესტივალზე შედგა. ამის შესახებ „ბლუმბერგი“ იუწყება.
პაპის მხარდამჭერმა განცხადებამ ფილმის შუაში გაიჟღერა, სადაც დეტალურად განიხილება საკითხები, რომლებიც ყველაზე მეტად აწუხებს რომის პაპს, მათ შორის: გარესამყარო, სიღარიბე, მიგრაცია, რასობრივი უთანასწორობა და შემოსავლების უთანასწორობა, ასევე დისკრიმინაციის შედეგად დაზარალებული ადამიანები.
„ჰომოსექსუალ ადამიანებს აქვთ უფლება იყვნენ ოჯახში. ისინი ღმერთის შვილები არიან. გვჭირდება კანონი სამოქალაქო კავშირზე, რათა დაცულნი იყვნენ კანონით“, - განაცხადა რომის პაპმა.