გერმანიაში, ბოლო 24 საათის განმავლობაში, კორონავირუსის 11 287 შემთხვევა დადასტურდა, - ამის შესახებ ინფორმაციას Reuters-ი რობერტ კოხის ინსტიტუტის მონაცემებზე დაყრდნობით ავრცელებს.
ამავე მონაცემების თანახმად, ბოლო დღე-ღამის განმავლობაში გამოვლენილი შემთხვევები კოვიდ 19-ით ინფიცირების რეკორდული დღიური ზრდაა ქვეყნისთვის პანდემიის გავრცელების დროიდან.
გარდა ამისა, გერმანიაში ვირუსს კიდევ 30 ადამიანი ემსხვერპლა.
ბოლო მონაცემებით, გერმანიაში, საერთო ჯამში, კორონავირუსის 392 049 შემთხვევაა დადასტურებული, დაღუპულია 9 905 ადამიანი.