პოლონეთში, გასული 24 საათის განმავლობაში, კორონავირუსის 12 107 ახალი შემთხვევა გამოვლინდა, რაც რეკორდულად მაღალი დღიური მაჩვენებელია ქვეყნისთვის, - ამის შესახებ ინფორმაციას CNN-ი ავრცელებს. ტელეკომპანიის ცნობით, პოლონეთში, პანდემიის დაწყების დროიდან, კორონავირუსი 214 686 ადამიანს დაუდასტურდა.
ოფიციალური სტატისტიკით, პოლონეთში, ბოლო დღე-ღამის განმავლობაში, კოვიდ 19-ს კიდევ 168 ადამიანის სიცოცხლე ემსხვერპლა და დაღუპულთა რიცხვმა 4 019-ს მიაღწია. რაც შეეხება გამოჯანმრთელებულებს, ოფიციალური სტატისტიკით, კოვიდ 19-სგან 102 204 ადამიანი განიკურნა.