ნატო ყარაბაღის კონფლიქტში არ მონაწილეობს, 25 წელზე მეტია, სომხეთიც და აზერბაიჯანიც ნატო-ს ღირებული პარტნიორები არიან, – ამის შესახებ ნატო-ს გენერალურმა მდივანმა, იენს სტოლტენბერგმა სომხეთის პრეზიდენტთან, არმენ სარქისიანთან შეხვედრაზე განაცხადა.
მისივე თქმით, ნატო-სა და საერთაშორისო უსაფრთხოებისთვის მნიშვნელოვანია, მთიან ყარაბაღში საომარი მოქმედებები შეწყდეს.
„ნატოსა და საერთაშორისო უსაფრთხოებისათვის მნიშვნელოვანია საომარი მოქმედებების შეწყვეტა და კონფლიქტის მშვიდობიანი გადაწყვეტა“, - აღნიშნა ნატო-ს გენერალურმა მდივანმა.
სტოლტენბერგმა სომხეთსა და აზერბაიჯანს მოუწოდა, განაახლონ მოლაპარაკებები მთიანი ყარაბაღის კონფლიქტის მშვიდობიანი მოგვარების მისაღწევად და განაცხადა, რომ ეუთოს მინსკის ჯგუფის თანათავმჯდომარეების ძალისხმევა კვლავ მნიშვნელოვანია.