ბადრი ჯაფარიძე - იმისთვის, რომ ქვეყანამ დაძლიოს სოციალური და ეკონომიკური პრობლემები, არჩევნებში მონაწილეობა უნდა მივიღოთ და არსებული მთავრობა ჩავანაცვლოთ ახალი ძალით

„ლელოს“ გენერალურმა მდივანმა ბადრი ჯაფარიძემ და პარტიის სხვა ლიდერებმა ოზურგეთის ოლქის მაჟორიტარი დეპუტატობის კანდიდატი გიორგი სიორიძე წარადგინეს.

ინფორმაციას „ლელოს“ პრესსამსახური ავრცელებს.

მათი ცნობით, წარდგენის პარალელურად გაიმართა შეხვედრა ადგილობრივ მოსახლეობასთან. პარტიის ლიდერებმა და ადგილობრივებმა რეგიონის პრობლემებსა და მისი მოგვარების ეფექტურ გზებზე ისაუბრეს.

„ლელოს“ ინფორმაციით, ოზურგეთში ადგილობრივებს "ლელოს" გენერალურმა მდივანმა ბადრი ჯაფარიძემ სიტყვით მიმართა და მათ მნიშვნელოვან არჩევნებში მონაწილეობისკენ მოუწოდა.

„ეს არის ძალიან მნიშვნელოვანი არჩევნები და დაგვრჩა 8 დღე ქვეყანაში სასიკეთო ცვლილებებისთვის. ჩვენ უნდა დავიწყოთ მომავლის სახელმწიფოს შენება. 30 წლის წინ როდესაც ჩატარდა არჩევნები ყველამ მივეცით ხმა დამოუკიდებლობას და ერთ წელში გამოვაცხადეთ კიდეც. ახლა კი ჩვენ უნდა დავამარცხოთ სიღარიბე, უიმედობა ნეპოტიზმი. ამისთვის კი აუცილებლად უნდა მივიღოთ არჩევნებში მონაწილეობა. რაც შეეხება შემდეგ პერიოდს, ჩვენ "ლელოს ახალი მარშალის გეგმით" ვგეგმავთ ქვეყნის რეკონსტრუქციას, რომელიც 4 წელში შედეგს გამოიღებს. ეს ცვლილებები რომ მივიღოთ აუცილებელია არსებული ხელისუფლების ახალი ძალით ჩანაცვლება და ეს ძალა არის, "ლელო",- აცხადებს ბადრი ჯაფარიძე.

ადგილობრივებს სიტყვით მიმართა ოლქის მაჟორიტარი დეპუტატობის კანდიდატმა გიორგი სიორიძემ.

მისი თქმით, "ლელო" არის პარტია, რომელიც ქვეყანაში ეკონომიკურ და სოციალურ პრობლემებს მოაგვარებს.

„ერთი წლის წინ მე ჩემს ცხოვრებაში გადავდგი რადიკალური ნაბიჯი და წავედი პოლიტიკაში, რადგან შემეშინდა, რომ ჩვენი ქვეყანა თავისი პოლიტიკის გამო გადაიჩეხებოდა უფსკრულში. რაც "ქართული ოცნების" მავნებლური ქმედებებით პროცესს დააჩქარებდა. ის, რასაც აქამდე ვაკეთებდი იყო არასაკმარისი და შემოვუერთდი გუნდს, რომელთანაც მაერთიანებს იდეოლოგია. ის ჯანსაღი განცდა, რომელიც "ლელოში" მოსვლის დღიდან განვიცადე დღემდე არ მტოვებს და ამიტომ ვარ ამ გუნდში. ჩემთვის დიდი პატივია ვიყო გურულების ხმა საქართველოს პარლამენტში. მე ყველაფერს გავაკეთებ, რომ გურულების ინტერესები დავიცვა და მათი პრობლემებისა და სხვა საკითხების გადაჭრის ალტერნატიული გზები მოვნახო“, - განაცხადა სიორიძემ.

იხილეთ ვიდეო: ლელოს გენერალური მდივანი ბადრი ჯაფარიძე და პარტიის სხვა ლიდერები ქობულეთში და ოზურგეთში ადგილობრივ მოსახლეობას შეხვდნენ

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება