დედაქალაქის მასშტაბით კორონავირუსის დადასტურებული შემთხვევების გამო სულ 68 ბაღია დახურული. ამის შესახებ „ინტერპრესნიუსს“ ბაგა-ბაღების მართვის სააგენტოში განუცხადეს.

როგორც სააგენტოში აცხადებენ, თითოეული ბაღის გახსნა ეპიდემიოლოგების რეკომენდაციების შემთხვევაში, საკარანტინე ვადის გასვლის შემდეგ ხდება.

ამასთან, უწყების ინფორმაციით, ბაგა-ბაღებში ინფიცირებულთა შორის 10-მდე აღსაზრდელია.

ცნობისთვის, თბილისში საბავშვო ბაღები 12 ოქტომბერს გაიხსნა.