იტალიაში კორონავირუსის 16 079 ახალი შემთხვევა დაფიქსირდა, რაც ყველაზე მაღალი დღიური მაჩვენებელია ქვეყნისთვის პანდემიის დაწყების შემდგომ. წინა დღის რეკორდული მაჩვენებელი 15 199 ახალი დაინფიცირებული იყო.

ქვეყნის ჯანდაცვის სამინისტრო ბოლო დღე-ღამეში კიდევ 136 გარდაცვლილის შესახებ იუწყება.

მთლიანობაში, კოვიდ-19-ს იტალიაში 36 968 პირი ემსხვერპლა, ხოლო დაინფიცირდა 465 726 ადამიანი. ამჟამად ვირუსი ყველაზე მეტად ლომბარდიის რეგიონშია გავრცელებული.