„ევროკავშირის ინოვაციური პროექტი კერძო სექტორის კონკურენტუნარიანობისთვის საქართველოში“ პროექტის განხილვა გაიმართა

ევროკავშირისა და გაეროს განვითარების პროგრამის ერთობლივი ინიციატივით, პროექტის „ევროკავშირის ინოვაციური პროექტი კერძო სექტორის კონკურენტუნარიანობისთვის საქართველოში” განხილვა გაიმართა,- ამის შესახებ “ინტერპრესნიუსს“ გარემოს დაცვისა და სოფლის მეორნეობის სამინისტროდან აცნობეს.

უწყების ინფორმაციით, როგორც შეხვედრაზე გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა განაცხადა, აღნიშნული ინიციატივა საზოგადოებრივი ცნობიერების ამაღლებას, აგროეკოსისტემის მდგრადი მართვის გაძლიერებას, არსებული ნარჩენების შემცირებასა და მისი გადამუშავების ხელშეწყობას, უნარჩენო ტექნოლოგიების წახალისებას და, ზოგადად, ეკოსისტემების მდგრადობას ემსახურება.

„ახალი რეგულაციების ჯეროვნად აღსრულების მიზნით, უმნიშვნელოვანესია მწარმოებლებთან თანამშრომლობა და მათთვის ტექნიკური დახმარების აღმოჩენა. გარემოს დაცვისა და სოფლის მეურნეობის სამინისტრო ყველა გადაწყვეტილებას კერძო სექტორთან შეთანხმებით იღებს. სამინისტრო მხარს უჭერს მეტი ევროპული გამოცდილების გაზიარებას საქართველოში; შესაბამისად, ახალი მოდელის დასანერგად, ჩვენ ამ გამოცდილებას გავიზიარებთ“, - განაცხადა სოლომონ პავლიაშვილმა.

„ევროკავშირის ინოვაციური პროექტი კერძო სექტორის კონკურენტუნარიანობისთვის საქართველოში“ ევროკავშირისა და გაეროს ოთხი სააგენტოს ერთობლივი ინიციატივაა, რომლის განხორციელებაში მონაწილეობენ გაეროს განვითარების პროგრამა (UNDP), სურსათისა და სოფლის მეურნეობის ორგანიზაცია (FAO), ინდუსტრიული განვითარების ორგანიზაცია (UNIDO) და მიგრაციის საერთაშორისო ორგანიზაცია (IOM).

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით