საქართველოს საგარეო საქმეთა სამინისტრო გაეროს 75 წლის იუბილეს ეხმაურება და Twitter-ის საშუალებით ორგანიზაციას საქართველოს სახელით 75 წლის იუბილეს ულოცავს.
საგარეო უწყება განცხადებაში აღნიშნავს, რომ საქართველო გამოხატავს მზაობას ორგანიზაციის საქმიანობაში აქტიური ჩართულობა კვლავ გააგრძელოს.
"დღეს, გაეროს, მსოფლიოს მასშტაბით მშვიდობის შენარჩუნების, ადამიანის უფლებების გაძლიერებისა და განვითარების კუთხით ერთ-ერთი უმთავრესი აქტორის 75 წლის იუბილე აღინიშნება.
საქართველოს სახელით გილოცავთ, კიდევ ერთხელ ვადასტურებთ ჩვენს ერთგულებას გაეროს მთავარი პრინციპების მიმართ და გამოვხატავთ მზაობას, გავაგრძელოთ ორგანიზაციის საქმიანობაში აქტიური ჩართულობა",- აღნიშნულია უწყების განცხადებაში.