დავით ბაქრაძე - როგორც ჩვენ გამოვედით 2012 წელს, ზუსტად ისე დატოვებს ივანიშვილი და „ოცნება“ კაბინეტებს, რადგან ხალხი ეტყვის „არას“ და ამ „არას“ წინ ვერაფერი დაუდგება

„როგორც ჩვენ გამოვედით 2012- ში, ზუსტად ისე დატოვებს ივანიშვილი და „ქართული ოცნება“ კაბინეტებს, იმიტომ რომ ხალხი ეტყვის „არას“ და ამ „არას“ წინ ვერაფერი დაუდგება“ , - ამის შესახებ „ევროპული საქართველოს“ ლიდერმა დავით ბაქრაძემ ქუთაისში მხარდამჭერებთან შეხვედრაზე განაცხადა.

დავით ბაქრაძის განცხადებით, ხალხზე დიდი ძალა არაფერია.

„ეს ბრძოლა არ არის ადვილი მეგობრებო. ყველამ ვიცით, რამხელა რესურსი დგას მეორე მხარეს და ხადახან გამიგია უთქვამთ, აბა როგორ მოვერევით, ყველაფერი მაგათ ხელშია - პოლიცია, სუს-ი, ფული. მეგობრებო, გახსოვთ რომელიმე მთავრობა, რომლის ხელშიც არ იყო გამგეობა, პოლიცია და ფული? 2003 წელს შევარდნაძეს პოლიციაც ჰყავდა, სუს-იც, ფულიც საკმარისი ჰქონდა, გამგებლებიც ჰყავდა, მაგრამ როდესაც ხალხმა უთხრა, გამოვიდა კაბინეტიდან და სახლში წავიდა, იმიტომ, რომ ხალხის ძალას წინ ვერაფერი დაუდგება. 2012 წელს ჩვენ ძლიერი ხელისუფლება ვიყავთ. რა, სუს-ი არ გვყავდა? გვყავდა და ზედმეტადაც გვყავდა სამწუხაროდ და ის ზედმეტობა შეინარჩუნეს ამათმა. პოლიციაც გვყავდა, გამგეობაც და ყველაფერი იყო, რაც შეიძლება თქვა, რომ ხელისუფლების რესურსია, მაგრამ როცა ხალხმა გვითხრა უარი, ერთი წამი არ გვიფიქრია, გამოვედით და წავედით სახლში იმიტომ, რომ არ არსებობს ხალხზე დიდი ძალა. როგორც ჩვენ გამოვედით 2012- ში, ზუსტად ისე დატოვებს ივანიშვილი და „ქართული ოცნება“ კაბინეტებს, იმიტომ რომ თქვენ ეტყვით „არას“ და ამ „არას“ წინ ვერაფერი დაუდგება“, - განაცხადა ბაქრაძემ.

მისი თქმით, ქვეყანაში საჭიროა გარდამტეხი ცვლილებები.

„ის, რაც დღეს ხდება, ამის გაგრძელება აღარ შეიძლება. აღარ შეიძლება გაგრძელდეს უმუშევრობა და სიღარიბე, აღარ შეიძლება გაგრძელდეს ფასების მუდმივი გაძვირდება და ლარის გაუფასურება, აღარ შეიძლება გაძვირდეს ის ცხოვრება, როდესაც ნახევარი იმერეთი დაცლილია და ადამიანები იძულებული არიან სამუშაოდ წავიდნენ, ზოგი პოლონეთში, ზოგი -თურქეთში, ვინც სად შეძლებს, რომ საკუთარი ფიზიკური შრომით თავი გაიტანოს და ოჯახი არჩინოს. აღარ შეიძლება ის, რასაც ყოველდღე ტელევიზიით ვხედავთ, რომ საქართველოში დაბრუნდა კრიმინალი და ადამიანებს ისევ ეშინიათ ბავშვების ქუჩაში გაშვება, აღარ შეიძლება ის, რომ საქართველოს ჰყავდეს უპასუხისმგებლო მთავრობა, რომელიც ყოველთვის სხვისკენ იშვერს ხელს, არაფერზე პასუხისმგებლობას არ იღებს და არაფერს არ აკეთებს, აღარ შეიძლება უიმედობა და ხელის ჩაქნევა ჩვენს საკუთარ მომავალზე. ივანიშვილს თავისი მომავალი აქვს, გახარიას თავისი მომავალი აქვს, მთავრობას თავისი მომავალი აქვს, იმათ, თავისი საქმე ყველას აწყობილი აქვს, ამიტომ თქვენი ხელის ჩაქნევა თქვენს საკუთარ მომავალზე ხელის ჩაქნევაა. ამიტომ უნდა მივიდეთ არჩევნებზე, ამიტომ უნდა ვიბრძოლოთ, ამიტომ უნდა მოვიგოთ და ამიტომ უნდა წავიყვანოთ ჩვენი ქვეყანა წინ“, - განაცხადა ბაქრაძემ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა