,,ძალა და გამოცდილება" - ამ სლოგანით ,,ერთიანი საქართველოს" ლიდერმა ნინო ბურჯანაძემ აჭარაში საარჩევნო პროგრამის პრეზენტაცია გამართა და მხარდამჭერებს აჭარის უმაღლეს საბჭოში ბათუმისა და ქობულეთის მაჟორიტარობის კანდიდატები წარადგინა.

პარტიის პრესსამსახურის ინფორმაციით, კანდიდატები არიან:

გიორგი ცინცქილაძე, გიორგი მახარაშვილი, იმედა თხილაიშვილი, ლიანა თაფლაძე, შაქრო პაპიძე, ემზარ სურმანიძე, დარეჯან დიასამიძე, ლაშა ხალვაში, ნინი ბაუჟაძე, ნუგზ არშარაძე.

როგორც ნინო ბურჯანაძემ განაცხადა, პარტიას აჭარაში დიდი მხარდაჭერა აქვს.

,,ყველა ამ ადამიანს ძალიან კარგად იცნობს აჭარა. ჩვენი კანდიდატები არიან ღირსეული ადამიანები, რომლებიც დაიცავენ აჭარის ინტერესებს. მე რა თქმა უნდა ძალიან დიდი იმედი მაქვს აჭარლების, რადგან აქ ყველა არჩევნებზე გვქონდა დიდი მხარდაჭერა და დარწმუნებული ვარ ახლაც ასე იქნება", - განაცხადა ,,ერთიანი საქართველოს" ლიდერმა ნინო ბურჯანაძემ.