ანა დოლიძე - მივმართავ ჩვენ ჯარს და ჯარისკაცებს - ყოველთვის მეამაყება, რომ ვმსახურობდი თქვენთან ერთად

დიდუბე-ჩუღურეთის დამოუკიდებელი მაჟორიტარობის კანდიდატი ანა დოლიძე ზუგდიდში, „საქართველოს ბანკში“ შეჭრის ფაქტთან დაკავშირებით მიმდინარე მოვლენების ფონზე, საქართველოს ჯარს მიმართავს.

როგორც „ინტერპრესნიუსს“ ანა დოლიძის პრესსამსახურიდან აცნობეს, დოლიძე მიმართვაში ყურადღებას ღირსებაზე, სიმტკიცესა და რწმენაზე ამახვილებს.

“ზუგდიდის ფაქტზე ჩემი პოზიცია უკვე დავაფიქსირე. ამჯერად უფრო მნიშვნელოვანი სათქმელი მაქვს. მინდა მივმართო ჩვენს ჯარს და ჩემს ჯარისკაცებს. ბევრ მათგანს პირადად ვიცნობ, უშუალოდ მაქვს ბევრისთვის ხელი ჩამორთმეული, გვისაუბრია უამრავ პრობლემაზე და ქვეყნის სატკივარზე. თქვენ ხართ ჩვენი ქვეყნის ყველაზე ღირსეული ნაწილი. ადამიანები, რომლებიც საქართველოს ღირსებას იცავენ აქ და საერთაშორისო მისიებში. დღეს უამრავი ჭორ-მართლის გარჩევა ხდება, არავინ ვიცით სადაა სიმართლე, მაგრამ ზუსტად ვიცი, რომ ეს ფაქტი, ოდნავ ვერ შელახავს ჩვენი ჯარის ღირსებას, სიმტკიცეს და რწმენას, რომ ჩვენ ყველა ერთად ვემსახურებით საქართველოს. ყოველთვის მეამაყება, რომ ვმსახურობდი თქვენთან ერთად“, - აღნიშნავს ანა დოლიძე სოციალურ ქსელით გავრცელებულ მიმართვაში.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)