ნათია თურნავა - ეს დღე ისტორიულია წალენჯიხისთვის იმიტომ, რომ ისტორიაში პირველად, აქ შემოვიყვანეთ ბუნებრივი აირი

ეს დღე ისტორიულია წალენჯიხისთვის იმიტომ, რომ ისტორიაში პირველად, აქ შემოვიყვანეთ ბუნებრივი აირი, - ამის შესახებ საქართველოს ეკონომიკისა და მდგრადი განვითარების მინისტრმა ნათია თურნავამ წალენჯიხაში განაცხადა, სადაც საქართველოს გაზიფიცირების გაწეული სამუშაოების ანგარიშისა და სამომავლო გეგმების შესახებ პრეზენტაციას იმართება.

მინისტრის თქმით, უახლოეს თვეებში გეგმის თანახმად, კიდევ 13 თემის და 49 სოფლის გაზიფიცირება დასრულდება და წალენჯიხის მუნიციპალიტეტი შესაბამისი ინფრასტრუქტურით 100%-ით დაიფარება.

„მინდა წალენჯიხას ეს ისტორიული დღე მივულოცო. ეს დღე ისტორიულია წალენჯიხისთვის იმიტომ, რომ ისტორიაში პირველად აქ შემოვიყვანეთ ბუნებრივი აირი. წინა წლებში აქ არასდროს მომხდარა გაზიფიკაცია და ეს შედეგი გვაქვს დაპირებისამებრ. მთლიანი ბიუჯეტი, რომელიც ამ პროექტში იხარჯება 240 მილიონი ლარია. 2012 წლის შემდეგ ჩვენმა გუნდმა კარდინალურად შეცვალა მიდგომა გაზიფიცირების მიმართ. დღემდე დამატებით 312 000 ოჯახში შევიდა გაზი. თუ მანამდე აქცენტი თბილისზე კეთდებოდა, ჩვენი ძალისხმევა ძირითადად რეგიონების გაზიფიცირებისკენაა მიმართული და პრაქტიკულად 2-ჯერ და მეტად გაიზარდა რეგიონებში გაზიფიცირება“,-განაცხადა თურნავამ.

მინისტრის თქმით, 2021 წლის ბოლომდე საქართველოში სრულად იქნება გაზიფიცირებული 1 400 000-მდე ოჯახი, რაც მსოფლიოში ერთ-ერთი მაღალი მაჩვენებელია ჩვენი ქვეყნის რელიეფის გათვალისწინებით.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 25.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
"სილქ როუდ ჯგუფის" განცხადება "საქანელას" პროექტის შესახებ