რუსეთში, კორონავირუსის გავრცელების შეჩერების მიზნით, შეზღუდვები მკაცრდება, - ამის შესახებ ინფორმაციას რუსული მედია ავრცელებს. მათივე ინფორმაციით, „როსპოტრებნადზორის“ გადაწყვეტილებით, საზოგადოებრივი თავშეყრის ადგილებში, ტრანსპორტში, საპარკინგე ადგილებსა და ლიფტებში პირბადის ტარება სავალდებულო ხდება. გარდა ამისა, 23:00 საათიდან დილის 06:00 საათამდე სანახაობრივი და გასართობი ღონისძიებები აიკრძალება და კაფეები დაიკეტება.
შეზღუდვები ძალაში 28 ოქტომბრიდან შევა.