სერგი კაპანაძე - ძალიან სამწუხაროა, რომ „რუსთავის 2”-ის კვლევები, „იმედის” კვლევების მსგავსად, სამთავრობო პროპაგანდის ნაწილად იქცა

„ევროპული საქართველოს” საარჩევნო შტაბის ხელმძღვანელი, სერგი კაპანაძე ტელეკომპანია „რუსთვის 2“-ის მიერ დაკვეთილ Survation-ის კვლევებს არასერიოზულს უწოდებს და აცხადებს, რომ „რუსთავის 2“-ის კვლევაში ცოტა რესპონდენტი იყო გამოკითხული.

როგორც კაპანაძე აღნიშნავს, ისინი ჯიუტად არ აქვეყნებენ გადაუწყვეტელი ამომრჩევლის რაოდენობას.

„ძალიან სამწუხაროა, რომ „რუსთავის 2“- ის კვლევები, „იმედის“ კვლევების მსგავსად, ამას გულის წუხილით აღვნიშნავ, სამთავრობო პროპაგანდის ნაწილად იქცა. ისინი აქვეყნებენ კვლევებს, რომელთაც აქვთ ნულოვანი ნდობა, გამომდინარე იქიდან, რომ არის ცოტა რესპონდენტი გამოკითხული, გამომდინარე იქიდან, რომ ჯიუტად არ აქვეყნებენ გადაუწყვეტელი ამომრჩევლის რაოდენობას. შესაბამისად, როდესაც მეთოდოლოგიაზე ამდენი კითხვა არის, სერიოზულად მიღება იმ რიცხვების, რომლებსაც „რუსთავის 2“ აქვეყნებს, უბრალოდ შეუძლებელია.

ამიტომ, მერამდენედ უკვე, ვამბობთ, რომ ასეთი ტიპის კვლევები, სადაც არ არის დასახელებული არც გადაუწყვეტელების რაოდენობა, არის სერიოზული მეთოდოლოგიური ხარვეზები, სერიოზულად ვერავის მიერ ვერ იქნება განხილული, განსაკუთრებით იმის ფონზე, როდესაც ყველა სხვა საერთაშორისო თუ ადგილობრივი ორგანიზაცია, რომელიც აქვეყნებს კვლევებს, შედეგებში ძალიან რადიკალურად ცდება „რუსთავის 2“-ის და „იმედის“ კვლევებს“, - განაცხადა კაპანაძემ, რომლის განცხადებასაც „ევროპული საქართველოს“ პრესსამსახური ავრცელებს.

"Survation-ის" კვლევის შედეგებით, კითხვაზე, დღეს რომ საპარლამენტო არჩევნები ტარდებოდეს, რომელ პარტიას მისცემდით ხმას ? "ქართულ ოცნებას" - 55% ასახელებს, "ერთიან ნაციონალურ მოძრაობას" - 22 %,

"გიორგი ვაშაძე - სტრატეგია აღმაშენებელს" - 5%, "ლელოს" - 4%,

"ევროპულ საქართველოს" - 4%, "პატრიოტთა ალიანსს" - 3%, "გირჩს" - 2%, ხოლო "ლეიბორისტული პარტიას" -2%.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 25.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
"სილქ როუდ ჯგუფის" განცხადება "საქანელას" პროექტის შესახებ