სოსო ჯაჭვლიანი კიდევ ერთი ადამიანია, ვინც ამხილა სისტემა, რომელიც წინასაარჩევნოდ დაფუძნებულია „ზონდერებზე“, ძალადობასა და მუქარაზე, - ასე აფასებს „ ევროპული საქართველოს“ საარჩევნო შტაბის ხელმძღვანელი სერგი კაპანაძე მკლავჭიდის ფედერაციის პრეზიდენტის სოსო ჯაჭვლიანის განცხადებას, რომელიც „ქართულ ოცნებას“ ტოვებს. კაპანაძის თქმით, ჯაჭვლიანის განცხადებები კარგი დასტური იმისა, რომ ივანიშვილი ვერავითარ შემთხვევაში ხელისუფლებას ვერ შეინარჩუნებს.

„სახელმწიფო ინსტიტუტების ჩამოშლას ჯაჭვლიანის მხრიდან გუშინ გაკეთებული განცხადებები ადასტურებს. ის კიდევ ერთი ადამიანია, ვინც სისტემა ამხილა. სისტემა, რომელიც არჩევნების წინ დაფუძნებულია „ზონდერებზე“, ძალადობაზე, მუქარაზე, ფიზიკურ ანგარიშსწორებაზე. ეს კარგი დასტური იმისა, რომ ვერავითარ შემთხვევაში ივანიშვილი, რომელსაც მარტო ეს დარჩა შესათავაზებელი საზოგადოებისთვის, ხელისუფლებას ვერ შეინარჩუნებს“, - განაცხადა კაპანაძემ.

.ცნობისთვის, მკლავჭიდის ფედერაციის პრეზიდენტი სოსო ჯაჭვლიანი აცხადებს, რომ „ქართულ ოცნებას“ ტოვებს. ჯაჭვლიანიც თქმით, ის ვერ იქნება „ზონდერ ბრიგადის“ წევრი. მან ფედერაციაში არსებულ პრობლემებზე ისაუბრა და განაცხადა, რომ ფედერაციაში „ზონდერ ბრიგადა“ ჩამოყალიბდა, რომელიც სპორტსმენებს ატერორებს“.