კომპანია, რომელსაც ტელეკომპანია „რუსთავი 2“ ყოველდღე „ავტორიტეტულ კომპანიად“ ასახლებს, ბევრჯერ გამხდარა ცინიზმისა და კრიტიკის საგანი“, - ასე გამოეხმაურა „ერთიანი საქართველოს“ ერთ-ერთი ლიდერი ანზორ ბიწაძე SURVATION -ის ბოლო კვლევას, რომელიც ტელეკომპანია „რუსთავი 2-მა“ გაასაჯაროვა. მისივე თქმით, ირაკლი კობახიძეს თავად ბიძინა ივანიშვილი ძალიან მწარედ დასჯის, როდესაც არჩევნების შედეგებს იხილავს.
„ეს ის კომპანიაა, შოტლანდიის რეფერენდუმის შედეგები ჯერ 16%-ით ააცილა რეალობას, შემდეგ კი თავადვე გააქრო ეს შედეგები საკუთარი ვებ-გვერდიდან. დანგრეულ ეკონომიკას და პანდემიით დატანჯულ მოსახლეობას, ირაკლი კობახიძის გამოგონილი და დაწერილი კვლევები არაფერში არ სჭირდება და უფრო მეტიც, არავის სჯერა. ამ უაზრობის ტირაჟირებისათვის, ირაკლი კობახიძეს თავად ბიძინა ივანიშვილი ძალიან მწარედ დასჯის შაბათ საღამოს, როდესაც არჩევნების შედეგებს იხილავს“, - განაცხადა ანზორ ბიწაძემ. აღნიშნულ კომენტარს „ერთიანი საქართველოს“ პრესსამსახური ავრცელებს.