ნინო ბურჯანაძე - დავალეწავ ყველას ყველაფერს თავზე, ვინც გაბედავს და  ხმებს გამიყალბებს - იმედია, სხვა ოპოზიციური პარტიებიც ასე გააკეთებენ  და არავინ გაურიგდებიან

დავალეწავ ყველას ყველაფერს თავზე, ვინც გაბედავს და გამიყალბებს ხმებს და იმედია, ასე გააკეთებს სხვა ოპოზიციური პარტია და არავინ არავის არ გაურიგდება, - ამის შესახებ „ერთიანი საქართველოს“ ლიდერმა ნინო ბურჯანაძემ „პალიტრანიუსის“ გადაცემა „ნიუსრუმში განაცხადა. მან არ გამორიცხა, რომ არჩევნების შედეგების გაყალბების შემთხვევაში საქმე ქუჩის პროტესტამდე მივიდეს.

ამასთან, ბურჯანაძემ დღევანდელი ხელისუფლება უნიათოდ და უტვინოდ შეაფასა და მას სახლში წასვლისკენ მოუწოდა, რადგან „ერთიანი საქართველოს“ თავმჯდომარის თქმით, „თუ ხელისუფლებას გეშინია, რომ ოპოზიცია რაღაც კადრებს გამოგიქვეყნებს, სწორედ სახლში უნდა წახვიდე“.

„მე მინდა ხელისუფლებამ იცოდეს, 5%-ს დამიწერს, 10%-ს, 55% თუ 115%-ს, თუ გააყალბებს, მე მაინც გავაპროტესტებ ამას და ძალიან ფრთხილად იყოს და არ იფიქროს ხელისუფლებამ, რომ ამდენ პროცენტს გადავუგდებ ბურჯანაძეს ან ვინმე სხვას და ის ხმას არ ამოიღებს ან ამაზე ნაკლებს დავუწერ და რაღაცის გამო უხერხულობას შევუქმნი რომ არ იყვიროსო. ყველა წავლეკავთ ერთად. ნუ გააკეთებს „ქართული ოცნება“ იმას, რაც გააკეთა საკონსტიტუციო ცვლილებებთან დაკავშირებით, არანაირი სურვილი არ მაქვს ქუჩაში დადგომის. რა თქმა უნდა, შეიძლება მივიდეს ქუჩის პროტესტებამდე საქმე.

როცა ხელისუფლება ამბობს, რომ ოპოზიცია გამომიქვეყნებსო, რა ხელისუფლება ხარ? ოპოზიცია გისმენს, ოპოზიცია გიქვეყნებს, ოპოზიცია გასწრებს დამნაშავის გამოაშკარავებას, ოპოზიცია პროვოკაციებს აწყობს და შენ ამის აღკვეთას ვერ ახერხებ მაშინ რა გინდა? წადი სახლში, დაისვენე, შენც დაისვენე, ჩვენც დაგვასვენე. მე ასეთი უტვინო, უგვანო და უნიათო ხელისუფლება არ მინახავს, რომელიც ერთადერთი აღმოჩნდა მაგარი იმაში, რომ ნამდვილად წილები გადაინაწილა, ნამდვილად დიდი ფული გააკეთა, ნამდვილად ებღაუჭება ხელისუფლებას. ვაფრთხილებ ივანიშვილს, არანაირი სურვილი არ მაქვს არც თქვენი ჩამოშლის, იმიტომ კი არა, რომ თქვენთან რაიმე სენტიმენტები მაქვს, იმიტომ, რომ მინდა ქვეყანა ნორმალუყრად გადავიდეს სხვა რეჟმში, არც ქუჩაში დგომის სურვილი მაქვს. დავალეწავ ყველას ყველაფერს თავზე, ვინც გაბედავს და გამიყალბებს ხმებს და იმედია ასე გააკეთებს სხვა ოპოზიციური პარტია და არავინ არავის არ გაურიგდება", - განაცხადა ბურჯანაძემ.

მან „ნაციონალურ მოძრაობას“ წარსული ცუდი გამოცდილებისთვის მადლობა გადაუხადა და აღნიშნა, რომ არსებული ხელისუფლება იმაზე „ორიგინალურს“ ვერაფერს მოიფიქრებს.

„მადლობა „ ნაციონალურ მოძრაობას“ იმისთვის, რომ ისეთი აცრები გამიკეთეს, რომ თქვენ რა უნდა მოიფიქროთ, რაც იმათ არ მოაფიქრდათ. ასე რომ, შანტაჟი ჩემზე არ იმოქმედებს. მე დავიცავ ყველა ხმას, ვინც მისცემს ჩემს პარტიას ხმას,“ - განაცხადა ბურჯანაძემ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება