ამირან გამყრელიძე - დიახ, ჩვენ გვექნება კორონავირუსით ინფიცირების შემთხვევათა ზრდა, მაგრამ ეს ზრდა მართვადია, კონტროლს ექვემდებარება

დიახ, ჩვენ გვექნება შემთხვევათა ზრდა - ეს არ დამთავრდება ნოემბერში, დეკემბერში ან მარტი-აპრილში, ეს საკმაოდ კარგა ხანს იქნება, - ამის შესახებ დაავადებათა კონტოლის ეროვნული ცენტრის ხელმძღვანელმა ამირან გამყრელიძემ განაცხადა.

მისივე თქმით, ჯანდაცვის სისტემა კოვიდინფიცირების გაზრდილ მაჩვენებლებს მართავს და სიტუაცია კონტროლს ექვემდებარება.

„დიახ ჩვენ გვექნება შემთხვევათა ზრდა, მაგრამ ეს ზრდა მართვადია, კონტროლს ექვემდებარება. ჯანდაცვის სისტემა შესაბამის პასუხს აძლევს მომატებულ მაჩვენებლებს და კიდევ ერთხელ ვამბობ, რომ ჯანდაცვის სისტემა მართავს სიტუაციას. აქედან გამომდინარე, ძალიან დიდი მნიშვნელობა აქვს ეპიდემიის განვითარების ამ ეტაპზე თანამშრომლობას სახელმწიფოს, სამედიცინო სექტორის და მოსახლეობას შორის, ანუ სინქრონიზებული, ერთიანი პასუხი ამ დიდ გამოწვევაზე, რომელიც პირდაპირ გეტყვით არ არის მარტივი.

ის არ დამთავრდება ნოემბერში, დეკემბერში ან მარტში და აპრილში - ის საკმაოდ კარგა ხანს იქნება, ამიტომ მთავარი სლოგანი, რომ ჩვენ ვცხოვრობთ და უნდა ვიცხოვროთ კორონავირუსულ ინფექციასთან ერთად, ძალაშია და უნდა დავიცვათ ის რეკომენდაციები, რომლებზედაც ხშირად ვსაუბრობთ და თავიც მოგაწყინეთ, მაგრამ სულ უნდა შეგახსენოთ. აუცილებელია პირბადის გამოყენება როგორც დახურულ, ასევე ღია სივრცეებში, აუცილებელია დისტანციის დაცვა, ჰიგიენის წესების დაცვა და სხვადასხვა სადენზინფექციო საშუალების გამოყენება“, - განაცხადა გამყრელიძემ.

ამასთან გამყრელიძემ აღნიშნა, რომ ძალიან დიდი მნიშვნელობა აქვს სწორი ინფორმაციის მოქალაქეებამდე მიტანას იმისთვის, რომ მოსახლეობაში არ იყოს პანიკა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს