რუსეთის საგარეო საქმეთა მინისტრი სერგეი ლავროვი კორონავირუსით დაინფიცირებულ პირთან კონტაქტის გამო, თვითიზოლაციაში გადავიდა. ის თავს კარგად გრძნობს. ამის შესახებ სააგენტო „ტასს“ საგარეო საქმეთა სამინისტროში განუცხადეს.

მათივე ინფორმაციით, მანამდე დაგეგმილი ვიზიტები და შეხვედრები მოგვიანებით გაიმართება.

სერგეი ლავროვი 26 ოქტომბერს საბერძნეთში ვიზიტით იმყოფებოდა. ინფორმაცია არ ვრცელდება, ვინ არის კოვიდინფიცირებული, ვისაც რუსი მინისტრი ეკონტაქტა.