გერმანიაში, ბოლო 24 საათში, კორონავირუსის 16 774 ახალი შემთხვევა გამოვლინდა და ინფიცირებულთა საერთო რაოდენობა 481 013-მდე გაიზარდა, - ამ ინფორმაციას Guardian-ი რობერტ კოხის ინსტიტუტზე დაყრდნობით ავრცელებს.
აღსანიშნავია, რომ ბოლო დღე-ღამის განმავლობაში დადასტურებული შემთხვევები რეკორდულად მაღალი დღიური მაჩვენებელია ქვეყნისთვის პანდემიის დაწყების დროიდან.
ამასთან, ვირუსს გერმანიაში კიდევ 89 ადამიანის სიცოცხლე ემსხვერპლა და დაღუპულთა რიცხვმა 10 272-ს მიაღწია.
შეგახსენებთ, გერმანიაში 2 ნოემბრიდან კორონავირუსის გავრცელების შეჩერების მიზნით ახალი შეზღუდვები ამოქმედდება.