ალეკო ელისაშვილი - "ქართული ოცნების" გაზულუქებული ჩინოვნიკები ხედავენ, რომ ხელისუფლებაში ყოფნის, ხალხის ხარჯზე მუქთად ცხოვრების ორი დღე დარჩათ

პარტია "მოქალაქეების" ლიდერის ალეკო ელისაშვილის განცხადებით, ხელისუფლება ხვდება, რომ "ქართული ოცნების" რეჟიმი მალე დასრულდება.

ამის შესახებ ელისაშვილმა "ქართული ოცნება-დემოკრატიული საქართველოს" აღმასრულებელი მდივნის ირაკლი კობახიძის განცხადების შეფასებისას განაცხადა, რომლის მიხედვითაც ოპოზიცია პროვოკაციებისთვის ემზადება.

ელისაშვილის შეფასებით, ირაკლი კობახიძე და "ქართული ოცნების" გაზულუქებული ჩინოვნიკები ხედავენ, რომ ხელისუფლებაში ყოფნის, ხალხის ხარჯზე მუქთად ცხოვრების ორი დღე დარჩათ.

"როგორც ჩანს, ყოველ ღამით ცივი ოფლი ასხამს ირაკლი კობახიძეს, ცუდ სიზმრებს ხედავს, დგება და მერე ამ სიზმრებს მოსალოდნელ აპოკალიფსად გვისაღებს. არაფერი რევოლუცია არ მოხდება, მშვიდად, 31 ოქტომბერს, საღამოს ჩვენ შევიტყობთ,რომ ქართველმა ხალხმა კიდევ ერთხელ, დემოკრატიულად, არჩევნების გზით შეცვალა ხელისუფლება, რომელიც იქნება მრავალპარტიული, დემოკრატიული საქართველო. ის საქართველო, სადაც "ქართული ოცნება" ოპოზიციაში იქნება",-განაცხადა ელისაშვილმა.

მას არ მიაჩნია, რომ ოპოზიციაში ვინმე შესაძლოა, რევოლიციური სცენარისთვის ემზადებოდეს.

"ხალხი ემზადება არჩევნებზე წასვლისა და ხელისუფლების ცვლილებისთვის. ნუ გვიხატავენ არმაგედონს და მეორედ მოსვლას. არანაირი აპოკალიფსი არ მოხდება, "ქართულ ოცნებას" მშვიდად გავუშვებთ ოპოზიციაში", - განაცხადა ელისაშვილმა.

ცნობისთვის, „ქართული ოცნება-დემოკრატიული საქართველოს" აღმასრულებელი მდივნის, ირაკლი კობახიძის განცხადებით, რადიკალური ოპოზიცია შეიარაღებული ამბოხების სცენარს განიხილავს და იკვლევს, რა რეაქცია ექნებათ მოქალაქეებს, თუ რადიკალური ოპოზიცია სახელმწიფოს წინააღმდეგ შეიარაღებული დაპირისპირების ფორმას მიმართავს. როგორც კობახიძემ აღნიშნა, მათი ამგვარი მცდელობა წარუმატებლობისთვისაა განწირული.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 26.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო