საფრანგეთის ქალაქ ავინიონში სამართალდამცავებმა მამაკაცის ლიკვიდაცია განახორციელეს, რომელიც გამვლელებს ცეცხლსასროლი იარაღით ემუქრებოდა, - ამის შესახებ ინფორმაციას რადიო Europe 1-ი ავრცელებს.
გავრცელებული ინფორმაციით, შეიარაღებული მამაკაცი ხმამაღლა იძახდა : „ალაჰ აკბარ“.
ქალაქ ნიცაში განხორციელებული თავდასხმის შემდეგ კიდევ ერთი ინციდენტი მოხდა, რომელიც საფრანგეთს უკავშირდება. Reuters-ის ინფორმაციით, საუდის არაბეთის ქალაქ ჯიდაში პოლიციამ დააკავა მამაკაცი, რომელიც საფრანგეთის საკონსულოს დაცვის წევრს დანით თავს დაესხა და დაჭრა. დაჭრილი მამაკაცი საავადმყოფოშია გადაყვანილი.