ირანში, ბოლო 24 საათის განმავლობაში, კორონავირუსის 8 293 ახალი შემთხვევა გამოვლინდა და ინფიცირებულთა საერთო რაოდენობა 596 941- მდე გაიზარდა, - ამის შესახებ ინფორმაციას ადგილობრივი მედია ავრცელებს.

მათივე ინფორმაციით, ქვეყანაში ვირუსს კიდევ 399 ადამიანის სიცოცხლე ემსხვერპლა და დაღუპულთა რიცხვმა 34 113-ს მიაღწია.

რაც შეეხება გამოჯანმრთელებულებს, ქვეყანაში კოვიდ-19-სგან დღემდე 472 598 ადამიანი განიკურნა.

ირანის ჯანდაცვის სამინისტროს ცნობით, 5 055 კოვიდინფიცირებული კრიტიკულ მდგომარეობაშია და მათ რეანიმაციულ განყოფილებებში მკურნალობენ.