პრემიერი - არ შეგვრცხვება და ყოველთვის ვიტყვით, რომ როცა სახელმწიფოს ამის შესაძლებლობა ექნება, ექიმისა და მასწავლებლის, პოლიციელისა და ჯარისკაცის სოციალური გაძლიერებისთვის ვიზრუნებთ

შემიძლია სრული დარწმუნებით გითხრათ, რომ "ქართულ ოცნებას" აქვს არნახული მხარდაჭერა და ეს მხარდაჭერა არ არის კონკრეტული პარტიისადმი, ეს არის ეკონომიკურად ძლიერი, დემოკრატიული, სამართლიანი სახელმწიფოს მშენებლობის მხარდაჭერა, - ამის შესახებ პრემიერ-მინისტრმა გიორგი გახარიამ თბილისში, ისნის რაიონის მაჟორიტარი დეპუტატობის კანდიდატის კახა კახიშვილის წარდგენისას განაცხადა.

მისივე თქმით, ყველა მოქალაქე ხედავს, რომ უნდა გაგრძელდეს ის აღმშენებლობა და რეფორმები, რომლებიც "ქართულ ოცნებას" აქვს დაწყებული.

"ჩვენ გვაქვს ამისთვის კონკრეტული გეგმა, რომელიც კონკრეტული ნაბიჯებით ასახულია ჩვენს პროგრამაში. ეს გეგმა პირველ რიგში, ეხება სამუშაო ადგილებს და ქვეყნის ეკნომიკურ განვითარებას, რომელიც მოიცავს მთელ რიგ სტრუქტურულ რეფორმებს და რა თქმა უნდა, ადამიანის უფლებებს და ჩვენი დემოკრატიის ინსტიტუციონალურ გაძლიერებას. ყველას კარგად უნდა გვესმოდეს, რომ "ქართული ოცნების" ყველაზე დიდი მიღწევა არის ადამიანისთვის ღირსების დაბრუნება. ადამიანი ყოველთვის იქნება ჩვენი ყურადღების ცენტრში. ჩვენ ყველაფერს გავაკეთებთ და ყოველთვის დავუდგებით სხვადასხვა მოწყვლად ჯგუფებს გვერდით, ისე როგორც ეს ჩვენს ეკონომიკას შეუძლია. სახელმწიფო დგას კეთილსინდისიერ საჯარო მოხელეებზე. არ შეგვრცხვება და ყოველთვის ვიტყვით, რომ როცა სახელმწიფოს ამის შესაძლებლობა ექნება, ექიმისა და მასწავლებლის, პოლიციელისა და ჯარისკაცის სოციალური გაძლიერებისთვის ვიზრუნებთ. ეს ის ადამიანები არიან, რომელზეც დგას ჩვენი ქვეყნის სიმშვიდე, მშვიდობა, თითოეული ჩვენი მოქალაქის ჯანრმთელობა", - განაცხადა გახარიამ.

დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო