„ევროპული საქართველოს” ზუგდიდის მაჟორიტარობის კანდიდატი, გიგი უგულავა, გუშინ, გორთან მომხდარ ავარიას ეხმაურება და დაღუპულთა ოჯახებს უსამძიმრებს.

„უდიდესი ტრაგედიაა. ენით აღუწერელი. გუშინ აქციიდან, თბილისიდან ზუგდიდისკენ მომავალ მიკროავტობუსს, ტრაილერი შეეჯახა. გარდაიცვალა ექვსი ადამიანი. არიან დაშავებულებიც. ვუსამძიმრებ მათ ოჯახებს და ახლობლებს. მათი დროშა ძირს არ დაეცემა. ბრძოლა გაგრძელდება გამარჯვებამდე“ ,-აცხადებს უგულავა.

აღნიშნულ ინფორმაციას „ევროპული საქართველოს“ პრესსამსახური ავრცელებს.

შეგახსენებთ, თბილისი-სენაკი-ლესელიძის საავტომობილო მაგისტრალის გორის მონაკვეთზე მომხდარი ავტოსაგზაო შემთხვევის შედეგად 6 ადამიანი გარდაიცვალა, 10 კი საავადმყოფოშია. თბილისიდან ზუგდიდის მიმართულებით მოძრავ მიკროავტობუსს ტრაილერი შეეჯახა. მიკროავტობუსს თბილისში გამართული ენმ-ს აქციის მონაწილეები გადაჰყავდა.