ცესკო-ს 3 ყოფილ თავმჯდომარეს, რომელიც თამარ ჟვანიასთან შეხვედრას ითხოვდა, ცესკო-ში განუმარტეს, რომ შეხვედრა შეთანხმებული არ იყო

ცენტრალურ საარჩევნო კომისიასთან ცესკო-ს სამი ყოფილი თავმჯდომარე: გურამ ჩალაგაშვილი, ლევან თარხნიშვილი და ზურაბ ხარატიშვილი ცესკო-ს მოქმედ თავმჯდომარე თამარ ჟვანიასთან შეხვედრას ითხოვდნენ. ოპოზიციური პარტიის წარმომადგენლებს ცენტრალურ საარჩევნო კომისიაში შეხვედრაზე უარი უთხრეს. როგორც კომისიასთან მოსვლის შემდეგ ,,ევროპული საქართველოს” წევრმა, ლევან თარხნიშვილმა განაცხადა, თამარ ჟვანიასთან სამ შესაძლო გაყალბების მექანიზმებზე აპირებდნენ საუბარს და მისგან აღნიშნულ საკითხზე ოფიციალური განცხადების გაკეთებას მოითხოვდნენ.

,,ჩვენი აქ მოსვლის მიზანია წინ აღვუდგეთ შესაძლო გაყალბებას. პირველ რიგში, საუბარია იმ მექანიზმებზე, რომელიც წინა წლებშიც გამოიყენებოდა და აიძულებდნენ სახელმწიფო მოხელეებს და სხვა მომხრეებს, რომ გადაეღოთ ბიულეტენი მობილური ტელეფონით და ეჩვენებინათ. წინა წლების გამოცდილებით, ამ მექანიზმის გამოყენების შემდეგ ასეთი ბიულეტენები ბათილდებოდა და ეს აღნიშნული იყო ეუთოს თუ სხვა ადგილობრივი დამკვირვებლების ანგარიშში. მეორე, რომ საკუთარ მომხრეებს აიძულებენ რაიმე ნიშანი დასვან, რის შედეგადაც ხდება იდენტიფიცრება ამ მომხრის, ამ შემთხვევაშიც ეს ბიულეტენი უნდა გაუქმდეს, რადგან დარღვეულია ფარულობის პრინციპი. მესამე, გარკვეულ ოლქებში ეუბნებიან, რომ უნდა აჩვენონ ,,ქართული ოცნების” წარმომადგენელს თუ ვინ არის შემოხაზული და მხოლოდ ამის შემდეგ ჩაითვლება კონვერტი. ამ სამ საკითხზე გვინდა, რომ ცენტრალურმა საარჩევნო კომისიამ დააფიქსიროს ოფიციალური პოზიცია. ყველა ამ საკითხზე საარჩევნო კოდექსში შავით-თეთრზე წერია, რომ დარღვევაა და ინტერპრეტირების საშუალებას არ იძლევა. სამწუხაროდ, აქამდე ეს პოზიცია დაფიქსირებული არ არის და წინა არჩევნების ცუდი გამოცდილებაც გვაქვს, როდესაც ასეთ საკითხებზე საუბნო კომისიის უმრავლესობა იღებდა გადაწყვეტილებას”, - აღნიშნა ლევან თარხნიშვილმა.

ცენტრალური საარჩევნო კომისიის განმარტებით, ოპოზიციური პარტიის წარმომადგენლებსა და ცესკო-ს თავმჯდომარე თამარ ჟვანიას შორის შეხვედრა შეთანხმებული არ ყოფილა.

,,შეხვედრა არ ყოფილა შეთანხმებული. შესაბამისად, ვინმე სადმე თუ რამეს თავისი ნებით და ინიციატივით აანონსებს, ცხადია, ასე შეხვედრები არ იმართება, მითუმეტეს, საარჩევნო პერიოდში. ამასთან, ცესკოს ყოფილი თავმჯდომარეები უკვე არიან პოლიტიკური მხარეები, კონკრეტულად ორი მათგანი მაჟორიტარობის კანდიდატია და კენჭისყრის წინა დღეს ასეთი შეხვედრა გამორჩეულად რომელიმე კანდიდატთან მიუღებელია”, - ნათქვამია ცესკო-ს განცხადებაში.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება