ფინანსთა მინისტრის განცხადებით, მოსახლეობის კომუნალური გადასახადების სუბსიდირების პროგრამის სავარაუდო ბიუჯეტი 300 მილიონ ლარამდეა

ფინანსთა მინისტრ ივანე მაჭავარიანის განცხადებით, მოსახლეობის კომუნალური გადასახადების სუბსიდირების პროგრამის სავარაუდო ბიუჯეტი 300 მილიონ ლარამდეა.

როგორც მინისტრმა აღნიშნა, პროგრამისთვის საჭირო თანხა ბიუჯეტში აისახება.

„ პროგრამის ბიუჯეტის სავარაუდო მოცულობა ალბათ, 250-300 მილიონი ლარის ფარგლებში იქნება. ეს ბევრ რამეზეა დამოკიდებული, მაგალითად, თუ თბილი ამინდები გაგრძელდა, შესაძლოა ნაკლები თანხა დაგვჭირდეს. თანხის ნაწილი მიმდინარე წელს იქნება ათვისებული, ხოლო დანარჩენი ნაწილი მომდევნო წლის ბიუჯეტში აისახება“,-აღნიშნა მინისტრმა.

ამასთან, ფინანსთა მინისტრმა ინფლაციის მაჩვენებელზეც ისაუბრა და აღნიშნა, რომ ამ ეტაპზე ინფლაცია ქვემოთ მოდის, მიზნობრივ მაჩვენებელთან ახლოსაა და ამ მხრივ საფრთხე არ გვემუქრება.

ცნობისთვის, ანტიკრიზისული გეგმის მესამე ტალღა 1-ელი ნოემბრიდან დაიწყება, რაც ითვალისწინებს კომუნალური გადასახადების ანაზღაურებას მოქალაქეებისთვის ნოემბრიდან 4 თვის მანძილზე. როგორც წინა ეტაპზე, ეს შეეხება თითოეულ ოჯახს, რომელსაც ექნება 200 კილოვატამდე მოხმარებული ელექტროენერგია, ასევე 200 კუბურ მეტრამდე გაზის მოხმარება, ასევე წყლისა და დასუფთავების ანაზღაურება.

იხილეთ ვიდეო: მოსახლეობის კომუნალური გადასახადების სუბსიდირების პროგრამის სავარაუდო ბიუჯეტი 300 მილიონ ლარამდეა - ფინანსთა მინისტრი

ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
ქართული პრესის მიმოხილვა 14.06.2021
კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
ლექსუს თბილისი  ევროპის 300 დილერს შორის საუკეთესო ათეულში მოხვდა და უკვე ზედიზედ მეორედ  მიიღო კლიენტთა გამორჩეული მომსახურებისთვის დაწესებული LEXUS KIWAMI-ის უმნიშვნელოვანესი ჯილდო
PSP და MASTERCARD განსაკუთრებული შეთავაზებით სარგებლობას მომხმარებელი უკვე დღეიდან შეძლებს
მნიშვნელოვანი წვლილი ქართული ეკონომიკის განვითარებაში: „კარფური“ 10 უმსხვილეს ინვესტორს შორის