ირაკლი კობახიძე - არავისთვის არ არის გასაკვირი, რომ „ქართულმა ოცნებამ“ მოახერხა დაახლოებით 20 მილიონი ლარის მობილიზება

არავისთვის არ არის გასაკვირი, რომ „ქართულმა ოცნებამ“ მოახერხა დაახლოებით 20 მილიონი ლარის მობილიზება,- ამის შესახებ „ქართული ოცნების“ აღმასრულებელმა მდივანმა ირაკლი კობახიძემ ჟურნალისტებთან განაცხადა, რითაც „საერთაშორისო გამჭვირვალობა - საქართველოს“ კვლევას გამოეხმაურა.

მისივე თქმით, გასაკვირი არ არის, რომ „ქართული ოცნების“ შემომწირველებს შორის არიან ტენდერებში გამარჯვებული კომპანიებიც, ხოლო ამ დამთხვევით სპეკულირება კარგად არ მეტყველებს ამის ავტორებზე.

„წინასწარ გვქონდა გათვლილი ჩვენი საარჩევნო ბიუჯეტი. ჩვენ ვიწყებთ ერთი წლით ადრე საარჩევნო სამზადისს. მე ვიყავი შტაბის უფროსი და მე თვითონ შევადგინე საბიუჯეტო გეგმა, რაც მოიცავდა დაახლოებით 20 მილიონი ლარის ხარჯებს, რაც არავისთვის არ არის გასაკვირი ის, რომ „ქართულმა ოცნებამ“ მოახერხა დაახლოებით 20 მილიონი ლარის მობილიზება. მითუმეტეს იმის გათვალისწინებით, რომ ბიზნესის თავისუფლება არის ჩვენი ხელისუფლების ერთ-ერთი უმთავრესი მონაპოვარი, ასეთ დროს რომ მმართვლი პარტია 20 მილიონის მობილიზებას ახერხებს, ეს არავისთვის არ არის გასაკვირი. რაც შეეხება მუდმივ სპეკულაციებს, რომ შემომწირველებს შორის არიან მათ შორის ტენდერებში გამარჯვებული კომპანიები, როცა საუბარია მსხვილ კომპანიებზე, რომელსაც აქვთ 60-70- 120 ათასი ლარის შეწირვის საშუალება, რა თქმა უნდა, ძალიან ბევრია ისეთი კომპანია, რომელიც სხვადასხვა ტენდერებს იგებს. მაინც და მაინც დიდი წრე ხომ არ არის ასეთი კომპანიების? აქედან გამომდინარე ასეთი დამთხვევებით მუდმივი სპეკულირება კარგად არ მეტყველებს ამ სპეკულაციის ავტორებზე,“- განაცხადა კობახიძემ.

ცნობისათვის, „საერთაშორისო გამჭვირვალობა - საქართველოს“ კვლევის თანახმად, მმართველი პარტიის შემომწირველებთან დაკავშირებულმა კომპანიებმა, 1-ელ ოქტომბრამდე, 47 მილიონ ლარამდე ღირებულების ტენდერები მოიგეს.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის