ანა დოლიძე - ერთად დავიწყოთ ახალი საქართველოს მშენებლობა პირველი ნოემბრიდან

დიდუბე-ჩუღურეთის დამოუკიდებელი მაჟორიტარი დეპუტატობის კანდიდატმა ანა დოლიძემ დიდუბე-ჩუღურეთში საარჩევნო კამპანია დაასრულა.

დოლიძემ მხარდამჭერებთან ერთად დიდუბე-ჩუღურეთის მასშტაბით მოტომსვლელობა გამართა.

,,დღეს არის ჩვენი შემაჯამებელი მსვლელობა, იცით, რომ ჩემი კამპანია სწორედ მსვლელობით დავიწყე და ახლაც მსვლელობით დავასრულებთ. ეს იქნება მოტომსვლელობა სადაც, ჩვენ გავამხნევებთ ჩვენს მოსახლეობას, რომ ყველა მოემზადოს საკუთარი არჩევანის გასაკეთებლად და განეწყოს იმისთვის, რომ პირველი ნოემბრიდან ერთად უნდა დავიწყოთ ამ სანაპიროს გამოცოცხლება“, - აღნიშნა ანა დოლიძემ.

ანა დოლიძის განცხადებით, ჩუღურეთელმა და დიდუბელებმა კარგად იციან, რომ ის პარლამენტში თითოეული მათგანის ხმა იქნება.

,,ის 10 ნაბიჯი, რომელიც მე წარმოვადგინე კონკრეტულად ამ ნაპირისთვის, მარცხენა სანაპიროს აქცევს თბილისის კულტურულ და ეკონომიკურ ეპიცენტრად. ჩვენ ვიყავით ყველგან, დაწყებული დიღმის მასივიდან დასრულებული ივერთუბანით, რომელიც საერთოდ მივიწყებულია ხელისუფლებისგან. დღეს ჩვენ საბოლოოდ ჩამოვართმევთ ხელს ჩვენს მოსახლეობას იმისთვის, რომ გავამხნევოთ ისინი, უკლებლივ ყველანი მოვიდნენ არჩევნებზე და ერთად დავიწყოთ ახალი საქართველოს მშენებლობა პირველი ნოემბრიდან“, - განაცხადა ანა დოლიძემ.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო