სომხეთისა და აზერბაიჯანის საგარეო საქმეთა მინისტრები მთიანი ყარაბაღის კონფლიქტის საკითხთან დაკავშირებით ჟენევაში საერთაშორისო შუამავლებს შეხვდნენ.
„როიტერის“ ინფორმაციით, მინისტრები შეხვედრებს მართავენ საფრანგეთის, რუსეთისა და აშშ-ის წარმომადგენლებთან, ეუთო-ს მინსკის ჯგუფის ფარგლებში.
როგორც სომხეთის, ისე აზერბაიჯანის საგარეო საქმეთა სამინისტროებმა დაადასტურეს, რომ მათი ხელმძღვანელები ჟენევაში გაემგზავრნენ.
შეგახსენებთ, მთიან ყარაბაღში სიტუაცია 27 სექტემბერს დაიძაბა. მხარეებმა ჰუმანიტარული მიზნით ცეცხლის შეწყვეტის შესახებ შეთანხმებას სამჯერ მიაღწიეს, თუმცა კონფლიქტის ზონაში საბრძოლო მოქმედებები არ წყდება. სომხეთი და აზერბაიჯანი ცეცხლის შეწყვეტის რეჟიმის დარღვევაში ერთმანეთს ადანაშაულებენ.