მხოლოდ გარდამტეხი ცვლილებები მოიტანს იმ მძიმე პრობლემების დაძლევას, რაც დღეს ჩვენი მოსახლეობის უმრავლესობას აქვს, - ამის შესახებ „ევროპული საქართველოს“ ერთ-ერთმა ლიდერმა, მაჟორიტარობის კანდიდატმა ზესტაფონის, თერჯოლის, ტყიბულისა და ბაღდათის ოლქში, გიგი წერეთელმა საარჩევნო კამპანიის დასრულების შემდეგ განაცხადა და ამომრჩეველს მადლობა გადაუხადა.

წერეთელის თქმით, დარწმუნებულია, რომ არჩევნებზე მაღალი აქტივობა იქნება.

„მადლობა ყველას! ამ რთული საარჩევნო კამპანიის დროს გულთბილი შეხვედრებისთვის, საინტერესო საუბრებისთვის და მხარდაჭერისთვის. ჩვენ ერთად გავიარეთ მთელი ეს პერიოდი და მე ვიცი თქვენი განწყობა და მოლოდინი. დარწმუნებული ვარ, არჩევნებზე მაღალი აქტივობა იქნება და ჩვენი საზოგადოება მხარს ხელისუფლების ცვლილებას დაუჭერს. მხოლოდ გარდამტეხი ცვლილებები მოიტანს იმ მძიმე პრობლემების დაძლევას, რაც დღეს ჩვენი მოსახლეობის უმრავლესობას აქვს. ამიტომ, გადამწყვეტია, რომ ყველანი მივიდეთ არჩევნებზე, ხმა მივცეთ ცვლილებებს ჩვენი ქვეყნის კეთილდღეობისა და უკეთესი მომავლისთვის“, - აცხადებს გიგი წერეთელი.

აღნიშნულ ინფორმაციას „ევროპული საქართველოს“ პრესსამსახური ავრცელებს.