აშშ-ში კორონავირუსით დაინფიცირების საერთო რიცხვმა 9 მილიონს გადააჭარბა

ამერიკის შეერთებულ შტატებში კორონავირუსით დაინფიცირებულთა საერთო რაოდენობამ 9 მილიონს გადააჭარბა. ინფორმაციას მედია ჯონ ჰოპკინსის უნივერსიტეტის მონაცემზე დაყრდნობით ავრცელებს.

მათივე ცნობით, ქვეყანაში გასული დღე-ღამის განმავლობაში ვირუსი 92 000-ზე მეტ ადამიანს დაუდასტურდა, რაც პანდემიის დაწყების მომენტიდან ქვეყნისთვის ყველაზე მაღალი დღიური მაჩვენებელია.

CNN-ი წერს, რომ აშშ-ში დაინფიცირებულთა რიცხვი 2 კვირაში ერთი მილიონით გაიზარდა. გარდა ამისა, აშშ-ში ვირუსით ბოლო დღე-ღამეში 970-ზე მეტი ადამიანი გარდაიცვალა და ფატალური შემთხვევების რიცხვი 230 000-ს უახლოვდება. აშშ-ში 3.5 მილიონი ადამიანი ვირუსისგან უკვე განიკურნა. აშშ-ს დაავადებათა კონტროლისა და პრევენციის ცენტრების დირექტორი რობერტ რედფილდი აცხადებს, რომ ბოლო დროს შემთხვევების ასე სწრაფად მატება გამოწვეულია უსიმპტომო პაციენტებით, რამდენადაც პანდემია 12-დან 30 წლამდე ადამიანებში „ჩუმად“ ცირკულირებს და შემდეგ ასაკიან ხალხში ვლინდება. შეგახსენებთ, აშშ როგორც ვირუსით დაინფიცირებულთა, ისე გარდაცვლილთა რიცხვით მსოფლიოში პირველ ადგილზეა.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა