„ადამიანის უფლებათა ცენტრის“ დამკვირვებლები პარლამენტის არჩევნებს საქართველოს შვიდ რეგიონში აკვირდებიან. როგორც „ინტერპრესნიუსს“ ორგანიზაციიდან აცნობეს, მათი დამკვირვებლები არიან კახეთში, საგარეჯოს და ახმეტის მუნიციპალიტეტების ეთნიკური უმცირესობებით დასახლებულ სოფლებში; ქვემო ქართლში, გარდაბნის, მარნეულისა და ბოლნისის მუნიციპალიტეტის ეთნიკური უმცირესობებით დასახლებულ სოფლებში; სამეგრელოში, ზუგდიდის მუნიციპალიტეტის კონფლიქტისპირა სოფლებში; შიდა ქართლის რეგიონში, გორის, ხაშურისა და ქარელის მუნიციპალიტეტის კონფლიქტისპირა სოფლებში; იმერეთის, აჭარისა და სამცხე-ჯავახეთის რეგიონებში.
„11:00 საათისთვის „ადამიანის უფლებათა ცენტრის“ დამკვირვებლებმა საარჩევნო უბნებზე დაარეგისტრირეს 5 საჩივარი და 10-ზე მეტი შენიშვნა შეიტანეს ჩანაწერთა წიგნში“, - ნათქვამია ინფორმაციაში.