გერმანიაში, ბოლო 24 საათის განმავლობაში, კორონავირუსის 19 059 ახალი შემთხვევა გამოვლინდა, რაც რეკორდულად მაღალი დღიური მაჩვენებელია ქვეყნისთვის, - ამის შესახებ ინფორმაციას Guardian-ი რობერტ კოხის ინსტიტუტზე ავრცელებს.
ამავე მონაცემების თანახმად, ვირუსს ქვეყანაში კიდევ 103 ადამიანის სიცოცხლე ემსხვერპლა.
ცნობისათვის, გერმანიაში, პანდემიის დაწყების დროიდან, საერთო ჯამში, კოვიდ 19-ით ინფიცირების 518 753 შემთხვევაა დადასტურებული, დაღუპულთა რიცხვი კი 10 452-ია.