სერგი კაპანაძე - მმართველი პარტია ჯერჯერობით 40%-ს ვერ ლახავს, მნიშვნელოვანია თითოეული ადამიანის მოსვლა, რათა პირველ ტურში ჩაცემენტდეს „ოცნების“ მარცხი

მმართველი პარტია ამ მონაცემებით, ჯერჯერობით, 40%-ს ვერ ლახავს, ამიტომ მნიშვნელოვანია თითოეული ადამიანის მოსვლა იმისთვის, რომ საბოლოოდ ჩაცემენტდეს „ქართლი ოცნების“ მარცხი პირველ ტურში,- ამის შესახებ „ევროპული საქართველოს“ საარჩევნო შტაბის უფროსმა სერგი კაპანაძემ ბრიფინგზე განაცხადა.

მან ამ დროისთვის დაფიქსირებულ დარღვევებზე გაამახვილა ყურადღება და აღნიშნა, რომ გამოიკვეთა ისეთი შემთხვევები, როდესაც რეგისტრატორები ბიულეტენს შეგნებულად არ ურტყამენ უკანა მხარეს ბეჭედს.

კაპანაძის განმარტებით, ბიულეტენები, რომლებსაც უკანა მხარეს ბეჭედი და რეგისტრატორის ხელმოწერა არ აქვს, დათვლის დროს ბათილად იცნობა.

„გვაქვს რამდენიმე შემთხვევა, როდესაც რეგისტრატორები, როგორც ჩანს, შეგნებულად არ ურტყამენ ბიულეტენებზე უკანა მხარეს ბეჭედს. ყველამ ვიცით, რომ ბიულეტენი, რომელზეც უკანა მხარეს ბეჭედი არ არის დასმული და ხელმოწერა არ არის რეგისტრატორის მხრიდან, მერე არის ბათილი. როგორც ჩანს, იციან „ქართული ოცნების“ კომისიის წევრებმა და რეგისტრატორებმა თუ ვინ არის ოპოზიციის მხარდამჭერი და მათ არ ურტყამენ ბეჭედს. რამდენიმე უბნიდან გვაქვს ასეთი შემთხვევები. გორში, მთაწმინდასა და მარნეულში გვაქვს შემთხვევა, როდესაც „ოცნების“ აგიტატორები დგანან სიებით და აღრიცხავენ, რომელ უბანზე ვინ არის მისული ანუ ახდენენ გავლენას ამომრჩევლის ნებაზე. ასეთი შემთხვევები ბევრია. ამასთანავე, ერთ-ერთი სერიოზული დარღვევაა, რომელზეც მთელი დღის განმავლობაში ვსაუბრობთ, როდესაც ხდება ხმის მიცემის ფარულობის პრინციპის დარღვევა და ამომრჩეველზე ზეწოლა, მსგავსი შემთხვევა დაფიქსირდა ვანში, როდესაც საარჩევნო კაბინასთან ამომრჩეველს კარნახობენ პირდაპირ თუ ვინ უნდა შემოხაზოს. ეს არის მასალების მცირე ნაწილი, რომელიც გვაქვს,“- განაცხადა კაპანაძემ.

მან ამომრჩეველს საარჩევნო უბენის დახურვამდე მაქსიმალური აქტიურობისკენ მოუწოდა, რათა „გამარჯვების განმტკიცება პირველსავე ტურში მოხდეს“.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა