ცესკო-ს სპიკერის, ანა მიქელაძის განცხადებით, საარჩევნო უბნებზე, კენჭისყრის შენობაში, არ ფიქსირდება ფაქტი, რომ ამომრჩევლებს ხმების მიღების სანაცვლოდ თანხებს უხდიან. როგორც მიქელაძემ ბრიფინგზე შესაბამისი კითხვის საპასუხოდ განაცხადა,
აღნიშნულს ფაქტებით დადასტურება სჭირდება.
„საარჩევნო უბნებზე, კენჭისყრის შენობაში, მსგავსი ფაქტები არ დაფიქსირებულა. ეს სცილდება საარჩევნო ადმინისტრაციის კომპეტენციას",- განაცხადა მიქელაძემ.
რაც შეეხება უბნების ნაწილის გარე პერიმეტრზე ჩხუბს, როგორც მიქელაძე ამბობს, აღნიშნულს საარჩევნო ადმინისტრაცია ვერ და არ შეაფასებს.