Reuters - თბილისის საარჩევნო უბნებთან დიდი რიგები დგას, ამომრჩევლებს პირბადეები უკეთიათ

საქართველოში მიმდინარე საპარლამენტო არჩევნებს Reuters-ი ეხმიანება. სააგენტო წერს, რომ გამოკითხვების უმრავლესობის თანახმად, არჩევნებში ბიძინა ივანიშვილის მიერ დაფუძნებული პარტია, „ქართული ოცნება“ ლიდერობს, თუმცა გაურკვეველია, შეძლებს თუ არა ის ერთპარტიული მთავრობის შესაქმნელად საჭირო 40% –ზე მეტი ხმების მოპოვებას.

„გამოკითხვების თანახმად, 150-კაციან პარლამენტში 30 მაჟორიტარული ადგილის განაწილებამ შეიძლება გადამწყვეტი როლი შეასრულოს და მომავალ პარლამენტში უფრო მრავალფეროვანი ხმების წარმოდგენა უზრუნველყოს. ეს ადგილები ივსება საარჩევნო ოლქებში ცალკეული კანდიდატებისთვის ხმის მიცემის გზით პარტიული სიებისგან განსხვავებით, რომლებიც დარჩენილი 120 ადგილისთვის გამოიყენება“, - წერს Reuters-ი.

სააგენტო ხაზს უსვამს, რომ საზოგადოების ნაწილი ხელისუფლებას ეკონომიკის არასწორად მართვაში, შერჩევით სამართალსა და დემოკრატიული სტანდარტების არასათანადოდ დაცვაში ადანაშაულებს.

„ბევრი ქართველი ქვეყნის მთავრობას ეკონომიკის არასწორად მართვაში, შერჩევით სამართალში, სუსტი საგარეო პოლიტიკის წარმოებასა და დემოკრატიული სტანდარტების კუთხით ჩამორჩენილობაში, მათ შორის საპროტესტო აქციების სასტიკ დარბევაში, ადანაშაულებს. კრიტიკოსები ივანიშვილს, რომელსაც მთავრობაში არანაირი თანამდებობა არ უკავია, ქვეყნის კულისებიდან მართვაში ადანაშაულებენ,“- წერს Reuters-ი.

სააგენტოს სტატიაში აღნიშნულია, რომ როგორც მთავრობას, ისე ოპოზიციას სურს, საქართველო ევროკავშირსა და ნატოში გაწევრიანდეს, მაგრამ ან ნაბიჯს მოსკოვიდან წინააღმდეგობა შეხვდება. „ქართული ოცნება რუსეთთან მჭიდრო კავშირების დამყარების მიმართ კეთილგანწყობილია“,- წერს Reuters-ი.

Reuters-ი საკუთარ კორესპონდენტებზე დაყრდნობით იუწყება, რომ თბილისის ცენტრალური ნაწილის საარჩევნო უბნებთან დიდი რიგები დგას და ამომრჩევლებს პირბადეები უკეთიათ.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა