გლდანში, 179-ე საარჩევნო უბანზე, სადაც „ნაციონალური მოძრაობისა და „ქართული ოცნების“ მხარდამჭერები ერთმანეთს სიტყვიერად დაუპირისპირდნენ, „ნაციონალური მოძრაობის“ ერთ-ერთი წევრი, სალომე სამადაშვილი მივიდა.
როგორც მან აღნიშნა, ხელისუფლება არჩევნების წაგების მოლოდინში პანიკაშია.
„ეს არის პანიკა არჩევნების წაგების მოლოდინში. შემიძლია მივმართო ბიძინა ივანიშვილს და „ქართულ ოცნებას“, შეეგუონ გარდაუვალ მარცხს. წაგებულია ეს არჩევნები, თქვენ უკვე წააგეთ და სახეს ნუ დაკარგავთ. მთელი მსოფლიოს წინაშე საკუთარ ქვეყნას ნუ მოჭრით თავს“, - მიმართა სამადაშვილმა ხელისუფლებას.
ცნობისთვის, გლდანის #179 უბანთან „ქართული ოცნების” მხარდამჭერები და „ნაციონალური მოძრაობის“ წარმომადგენლები ერთმანეთს ფიზიკურად დაუპირისპირდნენ. სიტუაციის განმხუტვის მიზნით დაპირისპირებაში სამართალდამცავებიც ჩაერთვნენ, თუმცა, აქტივისტები მათაც დაუპირისპირდნენ.
ერთ-ერთმა აქტივისტმა პოლიციელს წყალიც შეასხა. ისინი ასევე ხელს უშლიდნენ პოლიციელებს სავარაუდო სამართალდამღვევების დაკავებაში. დაკავებულია რამდენიმე პირი.