ირაკლი კობახიძე - მარტო ხელფასზე უზით "ნაციონალებს" 10 000 კაცი, როგორ გინდა, რომ 10 000 კაცის ქცევა აკონტროლო? - საკუთარი ოპერატორი კამერას რომ გაგარტყამს, ეს არ არის დასისხლიანებული ჟურნალისტი

მარტო ხელფასზე უზით "ნაციონალებს" დაახლოებით 10 000 კაცი, როგორ გინდა შენ, რომ 10 000 კაცის ქცევა წინასწარ აკონტროლო? სულ პატრულის 1000 ეკიპაჟია საქართველოში, რანაირად გინდა, რომ პატრულის 1000- მა ეკიპაჟმა უზრუნველყოს 10 000 ადამიანის კონტროლი?- ამის შესახებ "ქართული ოცნების" აღმასრულებელმა მდივანმა, ირაკლი კობახიძემ განაცხადა, რითაც გლდანში მომხდარ დაპირისპირებას გამოეხმაურა.

როგორც მან აღნიშნა, ინციდენტების პრევენცია ხდება და ამის შედეგია ის, რომ პროვოკაციები არ გადაიზარდა მძიმე დაპირისპირებაში, როგორც ეს "რადიკალურ ოპოზიციას" აქვს დაგეგმილი.

„საკუთარი ოპერატორი კამერას რომ გაგარტყამს, ეს არ არის დასისხლიანებული ჟურნალისტი. ბოტკოველს ჩაჰყავდა ზონდერ ჯგუფი ყარაჯალაში და მზადდებოდა ზუსტად ანალოგიური ინციდენტი, სადაც ასევე შეიძლებოდა საკუთარი ოპერატორის კამერა მოხვედროდა ჟურნალისტს. ჩვენ გვქონდა გამოჟონილი ინფორმაცია და პრევენციული განცხადება გავაკეთეთ, ყარაჯალაში აღარ მოხდა ინციდენტი, თუმცა ამ „ზონდერჯგუფების“ რაოდენობა არ არის ერთეულები, არის საკმაოდ ბევრი მცირე ზონდერ-ჯგუფი მობილიზებული იმისთვის, რომ ზუსტად ასეთი პროვოკაციები მოეწყოს და გადაიზარდოს შემდეგ ეს ინციდენტებში. მარტო ხელფასზე უზით "ნაციონალებს" დაახლოებით 10 000 კაცი, როცა 10 000 კაცი ხელფასზე არის ამ პროცესებში ჩართული, როგორ გინდა შენ, რომ 10 000 კაცის ქცევა წინასწარ აკონტროლო და უზრუნველყო, რომ ეს 10 000 კაცი პროვოკაციებს არ მოაწყობს? სულ 1000 პატრულის ეკიპაჟია საქართველოში. რანაირად გინდა რომ 1000- მა პატრულის ეკიპაჟმა უზრუნველყოს 10 000 ადამიანის კონტროლი,"- განაცხადა კობახიძემ.

მისივე თქმით, "რადიკალურმა ოპოზიციამ" დესტრუქციული სისტემური გეგმა შეიმუშავა, რომლის მიზანი იყო საარჩევნოდ ვითარების არევა ქვეყნის მასშტაბით. კობახიძე აღნიშნავს, რომ ამას მკაცრი რეაგირება უნდა მოჰყვეს.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა