პარლამენტის ვიცე-სპიკერის გიორგი კახიანის განცხადებით, არჩევნებმა მშვიდ ვითარებაში ჩაიარა. მისივე განმარტებით, დღეს მოქალაქეებმა სწორი არჩევანი გააკეთეს.

„მინდა, ყველას გამარჯვება მივულოცო, რადგან ეს არ არის მხოლოდ "ქართული ოცნების" გამარჯვება, ეს არის მთელი ქვეყნის გამარჯვება. მიხარია, რომ მოქალაქეებმა სწორი არჩევანი გააკეთეს. რაც შეეხება თავად არჩევნებს, ყველამ ნახა, რომ არჩევნები მშვიდ გარემოში მიმდინარეობდა, თუ არ ჩავთვლით იმ ინციდენტებს, რომელიც ძალით ხდებოდა. მთლიანობაში არჩევნები ძალიან მშვიდად ჩატარდა და ამის აღიარება მოუწევს იმ რადიკალურ ოპოზიციას, რომელიც ჯერ კიდევ არ აღიარებს ამ შედეგს, მაგრამ ძალიან მალე მოუწევთ აღიარება",- განაცხადა კახიანმა.